हामी सबैकाे संसारन्यूज

२७ बैशाख, सप्तरी । सप्तरीको अग्निसाइर कृष्ण सवरण गाँउपालिका ५ का वडाअध्यक्षकै अगुवाइमा दलितमाथि कुटपिट गरिएकोछ ।

गाउँका एक विवाहित दलित युवाले गैरदलित नावालिका भगाएपछि सुरु भएको विवादमा वडाअध्यक्ष श्रीप्रसादल यादवसहितको टोलीले दलित परिवारमाथि कुटपिट गरेको हो ।

खत्वेटोलका मोहन खंग (खत्वे), उनकी श्रीमती धनमा, छोरा रामचन्द्र र बुहारी सरोदेवी तथा राजेश खंग, डम्बर खंग र जुक्तिया खंगमाथि आक्रमण भएको छ । वडाअध्यक्ष यादव, गर्भी यादव, मनोजकुमार सिंहलगायतले २४ बैशाखमा आफूहरुमाथि आक्रमण गरेको आरोप पीडितले लगाएका छन् ।

त्यहि टोलका विलक्षण खंगका छोरा राजुले १३ वैशाखमा सप्तकोशी नगरपालिकास्थित कमलपुरकी प्रमिला खंगसँग विवाह गरेका थिए । त्यसको दुईदिन पछि १५ बैशाखमा राजुले मनोजकुमार सिंहकी छोरी साक्षी कुमारीलाई भगाए । राजुले साक्षीलाई लिएर हिडेँपछि केटी पक्षले खत्वे टोलका दलितहरुलाई निसाना बनाएको मोहन खंगको भनाइ छ ।

शुक्रबारको नयाँपत्रिका दैनिकमा दिनेश पराजुलीले ले सप्तरीबाट लेखेका छन् ।