हामी सबैकाे संसारन्यूज

भारतीय प्रधानमन्त्री नरेंद्र मोदीले ले चुनाव प्रचारका दौरान विपक्षप्रति कडा निशाना प्रहार गरेका छन् । कांग्रस आईका अध्यक्ष राहुल गांधीका पीता राजीव गान्धीप्रति गम्भिर आरोप लगाएका छन् । उनले राजीव गान्धी ‘नम्बर वन भ्रष्ट नेता’ भएको आरोप लगएका हुन् । यो अभिव्यक्तिले भारतीय राजनीतिमा तरङ्ग सिर्जना गरेको छ भने भारतीय राजनीतिलाई हेरेका विश्लेषकहरुले पनि विभिन्न तरिकाले आफ्नो मत व्यक्त गरेका छन् ।

विश्लेषक देवेन्द्र प्रताप शाहले भारतीय प्रधानमन्त्री मोदीले राजीवलाई भ्रष्ट नेता भनेर लगाइएको आरोमा कुनै तुक नभएको भनि टिप्पणी गरेका छन् । उनले मोदीको अभिव्यक्ति सोचे जस्तो व्यक्ति नभएको बताएका छन् । भारतीय प्रधानमन्त्री मोदीलाई इमान्दार नेताको रुपमा हेरेको भएपनि यो अभिव्यक्तिपछि भने आफ्नो दृष्टिकोण फरक भएको शाहले बताएका छन् । उनले लेखको छन्:

“भारतीय प्रधानमन्त्री नरेन्द्र मोदीले नेपालको पहिलो भ्रमणमा संयुक्त सदनलाई सम्बोधन गर्ने क्रममा उनले बोलेका कुरालाई गम्भिरतापूर्वक लिदा कति आनन्द आएको थियो, त्यसको सीमा नै छैन । सनातन रुपमा विश्वासको संकटबाट गुज्रिरहेको नेपाल भारत सम्बन्धले अब एउटा उचाइ लिने ठानियो । सारा नेपाली जनताको मनमा अपार हर्ष छाएको थियो ।

कहाँसम्म भने उनले नाकाबन्दी गर्दा पनि मेरो सोझो मनमा नेपाली नेताहरुले नै कुनै अक्षम्य भुल गरेछन् कि भन्ने शंका उब्जेको थियो । तर अहिले भारतीय चुनाबको सिलसिलामा उनले बोलेका टिप्पणीहरु सुने पछि मोदी सोचे जस्तो रहेनछन् भन्ने लाग्दैछ । यस चुनाबमा प्रतिस्पर्धि रहेका राहुल गान्धीका पिताको बारेमा बोल्दै मोदीले भनेछन्,’राजिव गान्धी करप्ट नम्बर वान हुन्’ ।

चुनाबमा बतख्वाई गर्ने भनेको आफ्नो प्रतिस्पर्धिको हो, उनको माता वा पिताको होइन । त्यही पनि राजिबलाई भारतीय अदालतले नै बोफोर्स मुद्दामा घुस खाएको प्रमाण नभेटिएको भन्दै उन्मुक्ति दिइसकेको अवस्था हो । यति मात्र हैन, राजिब गान्धी देशको लागि लड्दा आतंककारीहरुद्वारा मारिएका शहिद हुन् । अझै थपौँ, राजिबले नै भारतको समाजवादी धारमा अलमलिएर गरिब मात्र जन्माइरहने अर्थतन्त्रलाई उदारिकरणको शुरुआत गरेका थिए । राजिब त्यस्ता ब्यक्ति थिए जसले आफुलाई भारतीय राजनीतिमा अहिलेसम्मकै ठूलो राजनीतिक धोका दिने विश्वनाथप्रसाद सिंहको प्रधानमन्त्रीको सपथ समारोहमै उपस्थित भएर बधाइ दिएका थिए । त्यसअघि त्यस देशमा कुनै प्रधानमन्त्रीको सपथ समारोहमा कुनै पूर्व प्रधानमन्त्री उपस्थित भएका थिएनन् । यति मात्र हैन, पुर्व प्रधानमन्त्री चन्द्रशेखरले बोफोर्स जस्ता काण्ड हरेक प्रधानमन्त्रीको पालोमा भएका छन्, राजिब सोझा भएका र धोका खाएकाले मात्र बाहिर आएको हो भनेका थिए ।”