हामी सबैकाे संसारन्यूज

९ जेठ, काठमाण्डौं । बलात्कारपछि हत्या गरिएकी बालिका निर्मला पन्तकी आमा दुर्गादेवीले सरकारले प्रदान गरेको सम्पूर्ण राहत रकम बुझेकी छन् । उनले त्यो रकम दुई छोरीको भविष्य निर्माणमा खर्च गर्ने बताएकी छन् ।

तीनै तहका सरकारले निर्मलाको परिवारलाई (स्थानीयले तीन, प्रदेश सरकारले पाँच र संघले १० लाख) कुल १८ लाख रुपैयाँ राहत दिने घोषणा गरेका थिए ।

विगतमा निर्मलाको हत्यारा पत्ता नलागुन्जेल राहत नबुझ्ने अडानमा उनको परिवारले राख्ै आएको थियो ।

निर्मलाका बाबु यज्ञराज र सौतेनी आमा लक्ष्मीले दुर्गादेवीलई राहत नलिन दबाब दिएको सार्वजनिक भएको थियो ।

तर, पछिल्लो समय दुर्गादेवीले राहत लिने निर्णय गरेकी थिइन् । उनले संघीय सरकारले घोषणा गरेको १० लाख फागुनमा, स्थानीय सरकार भीमदत्त नगरपालिकाले घोषणा गरेको तीन लाख बैशाख महिनामा र सुदूरपश्चिम प्रदेश सरकारले घोषणा गरेको पाँचलाख जेठ पहिलो साता बुझेकी छन् । तीनै सरकारबाट प्राप्त रकम दुर्गादेवीको खातामा जम्मा गरिएको छ ।

‘मैले तीनै सकारले घोषणा गरेको रकम बुझिसकेकी छु,’ दुर्गादेविले भनिन्, ‘त्यो रकम बाँकी दुई छोरीको भविष्य निर्माणमा खर्च गर्छु । केही रकम निर्मलाको सम्झनामा खर्च गर्ने समेत उनले बताइन् । विहिबारको नयाँपत्रिका दैनिकबाट