हामी सबैकाे संसारन्यूज

१२ जेठ । इङग्ल्याण्डमा हुने क्रिकेट वल्ड कप २०१९(ICC World Cup) नजिकँदै छ । वल्डकप नजिकिएसँगै सहभागी देशका खेलाडीहरु उत्साहित छन् । सम्बन्धीत देशको नियामक निकाय आफ्ना खेलाडीहरुलाई उत्साहित बनाउन तल्लिन छन् । यसैक्रममा पाकिस्तान क्रिकेट बोर्ड (पीसीबी) ले वल्ड कपमा सहभागी आफ्ना खेलाडीहरुका खुशी बनाउने प्रयास गरेको छ ।

पीसीबीले वल्डकपका बेला पाकिस्तानी क्रिकेट खेलाडीहरु श्रीमती साथ राख्ने अनुमति दिएको छ । आफ्ना खेलाडीहरुको अनुरोधका आधारमा पीसीबीले उक्त अनुमति दिएको हो ।

पिसिबीले इङग्ल्याण्डको विरुद्ध खेलिएको पाँचौँ म्याचको श्रृंखलाका दौरान खेलाडिलाई साथ रहने अनुमति दिइसकेको थियो । तर एकमहिना पछि नै खेलाडी सरफराजले उक्त अनुमति माग्दा इन्कार गरिएको थियो । निराश बनेका खेलाडीले व्यवस्थापन पक्षसँग पुनः अनुमति मागेपछि पीसीबीले यो अनुमति दिन बाध्य भएको हो ।

पीसीबीले खेलाडीहरुसँग शर्त राखेको छ । त्यो शर्त भनेको पाकिस्तानी खेलाडीहरुले जुन १६ मा भारतसँगको प्रतिस्पर्धा पछि मात्र आफ्नो परिवारलाई साथमा राख्न पाउने छन् । पीसीबीको यो निर्णयबाट पाकिस्तानी त्यक्ति खुशी छैनन् । उनीहरु आफ्नी श्रीमती र छोराछोरीलाई १२ जुनको अष्ट्रेलिया विरुद्धको प्रतिस्पर्धापछि नै साथ रहने अनुमति चाहन्थे।

यद्यपी पिसिबीको यो अनुमति आउनु अघि नै अशर अली र हैरिस सोहेल दुई पाकिस्तानी क्रिकेट खेलाडीहरूलाई टूर्नामेंटको सुरुवातबाटै उनीहरूहरुलाई परिवारसँग बस्न अनुमति दिइएको छ । अलीले हालै आफ्नो १८ महिनाका छोरी गुमाएका थिए भने सोहेललाई व्यक्तिगत कारणले अनुमति दिइएको बताइएको छ ।

क्रिकेट वल्ड कप २०१९ यहि मे ३० मा सुरु भएर फाइनल प्रतियोगिता १४ जुलाइमा हुँदैछ । इंग्लैंड तथावेल्स द्वारा आयोजना गरिएको क्रिकेट वल्ड कप २०१९ राउण्ड रोबिनका आधारमा आधारमा खेलिँदैछ । प्रतियोगितामा १० टिम सहभागी हुनेछन् ।