हामी सबैकाे संसारन्यूज

१७ जेठ, काठमाडौँ । अर्थमन्त्री युवराज खतिवडाले बजेटले नागरिकका तात्कालिक आवश्यकताको सम्बोधन र दीर्घकालीन विकासको दरिलो जग बसाल्न दुईधारे नीति लिएको बताएका छन् । ‘दुईधारे भनेको दोधारे होइन, दुईधारे नीति लिनु रणनीतिक रूपमा राम्रो मानिन्छ,’ बिहीबार अर्थमन्त्रालयमा आयोजित पत्रकार सम्मेलनमा उनले भने, ‘जनताको अपेक्षा तत्काल विकास निमार्ण भइदेओस् भन्ने छ । कतिपय विषय दीर्घकालीन विकासको सोचले गर्नुपर्छ । त्यसैअनुसार दुवै धारलाई सम्बोधन गर्ने गरी बजेट तर्जुमा गरिएको हौं । ’

बजेटले सम्बोधन गरेका कतिपय क्षेत्रको प्रतिफल तत्काल नदेखिने उनले बताए । ‘तत्काल नदेखिने काम अहिले सुरु नगरेपछि ढिला हुन्छ,’ उनले भने,‘संविधानले नै सुनिश्चित गरेको नागरिकको मौलिक हकलाई आलटाल गर्ने सुविधा हामीलाई छैन । त्यसो गर्ने पनि हुदैन ।’

शुक्रबारको कान्तिपुर पत्रिकाबाट