Sansar News
१७ जेठ, काठमाडौँ । केन्द्र सरकारको प्राथमिकतामा नपर्दा देहको एक मात्र राष्ट्रिय आयुर्वेद अनुसन्धान तथा तालिम केन्द्रको भविष्यमाथि नै गम्भिर प्रश्न खडा हुन थालेको हो ।
पछिल्ला दिनमा केन्द्रको अनुसन्धानको पाटो पनि खुम्चिदै गएको छ ।हाल केन्द्रमा अनुसन्धान अस्पताल, अनुसन्धान विभाग र तालिम विभाग गरी तीन विभाग रहेका छन् । नेपालमा पाइने जडीबुटीबारे अध्ययन, त्यसको प्रशोधन र अनुसन्धानबारे केन्द्रले काम गर्दै आएको छ ।
नेपाल आयुर्वेद चिकित्सक संघका अध्यक्ष डा. प्रकास ज्ञवालीका अनुसार, अनुसन्धानका लागि पर्याप्त बजेट नछुट्याउँदा र भएका प्रविधि सञ्चालन गर्ने जनशक्ति उत्पादनका लागि चासो नदिँदा केन्द्रको भविष्यमाथि पंश्नचिह्न खडा भएको छ । ‘ उही तरिकाले आयुर्वेद अनुसन्धान केन्दै सञ्चालन हुन सक्दैन, छुट्टै ऐन बनाएर चलाउनुपर्छ ’ अध्यक्ष ज्ञवालीले भने ।
शुक्रबारको राजधानी दैनिकपत्रिकाबाट
वि.सं.२०७६ जेठ १७ शुक्रवार ०८:१६ मा प्रकाशित
