हामी सबैकाे संसारन्यूज

१७ जेठ , काठमाडौँ । सरकारले विभिन्न श्रम गन्तव्य देशहरूसँग शून्य लागतको सम्झौता गरिरहे पनि एजेन्टहरूले भने युवासँग सुरुमै चर्काे लागतको कबुल गारएर प्रक्रिया अघि बढाउन थालेको पाइएको छ ।

सरकारले वैदेशिक रोजगार सम्बन्धी ठगीलाई कडाइ गर्न थालेपछि थोरै युवालाई सीमित गन्तव्य मुलुक पठाउने तर सेवा शुल्कको नामका चर्काे पैसा असुल्ने क्रम बढ्न थालेको हो ।

कारोबारको सम्पर्कमा आएका सिन्धुलीका एक युवालाई म्यानपावर कमपनी पुग्नुअघि एजेन्टले नै २ लाख रूपैयाँ लाग्ने र भरपाइ भने १० हजारमात्र दिने शर्तमा प्रक्रिया अघि बढाइएको पाइएको छ ।

ति युवा २ लाख तिरेर १० हजारको भरपाइ लिन मन्जुर भएर भिसाको प्रतीक्षामा छन् । “ पैसा भने काम भएपछि मात्र दिनु भनेका छ,” ति युवाले भने “ काम राम्रो भएकाले बढी पैसा लाग्ने बताएकोले सो पैसा तिर्न लागेको हो ।” सरकारले एजेन्ट राख्न नपाउने निणर्य गरेपनि अप्रत्ष रूपमा म्यानपावरले एजेन्ट राखिरहेको यसबाट बुझ्न सकिन्छ ।

शुक्रबारको कारोबार  दैनिकपत्रिकाबाट