३० कात्तिक, मस्को (रसिया) । मस्को निकट रुमेन रादेभ बुल्गेरियाको राष्ट्रपतिमा निर्वाचित हुनुभएपछि रसियाको प्रशासन केन्द्र क्रेमलिनले बुल्गेरियाका नवनिर्वाचित राष्ट्रपतिलाई सोमबार बधाई ज्ञापन गर्दै उहाँको सफल कार्यकालको लागि शुभकामना व्यक्त गरेको छ ।
नयाँ राष्ट्रपतिको आगमनले दुई राष्ट्रबीचको सम्वन्ध थप विस्तार हुने बताउदै रसियाले बुल्गेरियालाई विशेष महत्वकासाथ हेर्ने गरेको, क्रेमलिनका प्रवक्ता दिमित्री पेश्कोभले सञचारकर्मीसँग बताउनुभएको छ ।
“हामीले आशा गरेका छौ कि नयाँ राष्ट्रपतिको आगमनपछि बुल्गेरियाका नयाँ कार्यक्रम आउनेछन् र दुई देशको सहकार्य प्रगाढ हुनेछ,” पेश्कोभले भन्नुभयो ।
समाजवादी प्रतिपक्षले समर्थन दिएका रादेभको निर्वाचन र प्रधानमन्त्री दक्षिणपन्थी झुकाव भएको दलले समर्थन गरेका राष्ट्रपति पराजयसँगै यहाँका प्रधानमन्त्रीले नयाँ सरकारको गठनका लागि बाटो खुला गर्दै प्रधानमन्त्रीबाट राजिनामा दिनुभएको छ ।
रादेभले पश्चिमी मुलुकको समर्थन पाएका शेस्का साचेभालाई ५९.४ प्रतिशत मतका विरुद्ध ३६.२ प्रतिशत मतले पराजित गरेको बुल्गेरियाले सोमबार जनाएको छ ।
स्लाभिक (इन्डो–यूरोपेली) मुलुक भएका नाताले यी दुई देशबीच गहिरो ऐतिहासिक र साँस्कृतिक सम्वन्ध रहेको छ । बुल्गेरिया रसियासँग ग्यास लगायतका इन्धनका लागि पनि अधिक निर्भर रहेको मुलुक हो ।
एएफपी
