हामी सबैकाे संसारन्यूज

२२ जेठ, काठमाडौँ । नेपाली कांग्रेसले पार्टी विधानलाई संघीय ढाँचामा लगेर संघीयताको संरचनामा प्रवेश गरेजस्तो देखाए पनि त्यहीअनुसारको संरचना भने बनाउन सकेको छैन ।

कांग्रेसले गत पुसमा राजधानीमा सम्पन्न महासमिति बैठकमार्फत पार्टी विधानलाई मुलुकको संघीय संरचनाअनुसार तयार पारेको थियो भने केन्द्रीय समितिबाट बहुमतका आधारमा पारित गरिएको थियो । तर विधानलाई संघीयस्वरूप दिए पनि पार्टीका संरचना भने त्यसैअनुसार तयार गरिएको छैन ।

कांग्रेसभित्र ससाना विषयमा समेत गुटगत स्वार्थ हावी हुँदै आएपछि पार्टीको संरचनाका दिशामा पनि परिस्थिति सहज बन्न सकेको छैन । पार्टीको संघीयस्वरूपका विषयमा समेट गुटहरू मिल्न नसक्दा निर्णय हुन नसकेको हो ।

बुधबारको राजधानी दैनिक पत्रिकाबाट