हामी सबैकाे संसारन्यूज

२५ जेठ, काठमाण्डौं । नेपाली चेली अमेरिकी सैनिक संगठनको उच्च ओहोदा ( सेकेण्ड लेफ्टिनेन्ट) पदमा नेपाली पुग्न सफल भएकी छन् ।

स्याङजाको फेदीखोला ६ टोर्के घर भइ अमेरिकामा रहेकी अस्मिता गुरुङ अमेरिकी सैनिक संगठनको उच्च पदमा नियुक्त हुन सफल भएकी हुन् । विश्वकै वृहत शैनिक संगठन मानिने उक्त संगठनको लेफ्टिनेन्ट पदमा नियुक्त भएकी गुरुङले ९ मे मा सपथ समेत लिइसकेको बताइएको छ ।

२०४६ साल मंसिरमा स्याङजामा जन्मिएकी गुरुङ पोखराको न्यू मिलिनियम बोडिङ स्कुलबाट एसएलसी सकेर सगरमाथा हाइयर सेकेण्डरी स्कुलबाट प्लस टु सकेर अमेरिका पुगेकी थिइन् । टेक्सासमा राज्यको एक कलेजबाट ब्याचलर्स अफ साएन्स (नर्सिङ) मा स्नातक गरेकी छन् ।
उनका बुवा आइबहादुर गुरुङ अवकासप्राप्त भारतीय सेना रहेका छन् । उनी हाल हङकङमा कार्यरत रहेको बताईएको छ ।