९ असार । राष्ट्रिय कविता महोत्सवमा ‘परदेश गएका पतिका नाममा’ शिर्षकको कविता प्रथम भएको छ ।

नेपाल प्रज्ञा प्रतिष्ठानको ६२ औँ वार्षिकोत्सवका उपलक्ष्यमा सोमबार प्रज्ञा भवन कमलादीमा आयोजना गरिएको ‘राष्टिय कविता महोत्वस २०७६’ प्रतियोगितामा धादिङका हेम आभासको कविता प्रथम भएको हो ।

त्यसैगरी डोटीका सुभाषचन्द्र भण्डारीको ‘किनाराका अलिखित संवेगहरु द्वितिय र लम्जुङका प्रज्वल अधिकारीको पाठशाला तृतिय भएका छन् । त्यस्तै सोलुखुम्बुकी शान्ति शर्माको उज्यालो गीत र काठमाडौँका प्रकाश बस्नेत ‘गफाडी’को इन्द्रधनुष कविता पनि तृतिय भएका छन् ।

प्रथम हुनेले स्वर्णपदक सहित नगद पुरस्कार ३० हजार पाएका छन् भने द्वितिय हुनेले रजत पदक सहित रु २५ हजार र तृतीय हुने ३ जनाले काँस्यपदक सहित नगद २० हजार प्राप्त गरेका छन् ।

कविता महोत्सवमा प्राप्त ३४० कविता मध्ये ३१ वटा कविताहरू  वाचनका लागि छनौट भएका थिए |

कविहरुका लागि सुनौलो अवसर : कविता पठाऔँ, पुस्कार जितौँ