हामी सबैकाे संसारन्यूज

१८ असार, काठमाण्डौं । नयाँ शक्ति नेपाल र संघीय समाजवादी फोरमको एकता भएसँगै विदेशमा रहेका दुई पार्टीका भाृत संगठनको पनि एकता हुने प्रक्रिया बढिरहेको छ । यसै सन्दर्भमा कुवेतमा पनि पार्टीका दुई भातृसंस्थाको एकता सम्पन्न भएको छ ।

असारको दोश्रो साता कुवेतको फर्वानियामा रहेको अडिटोरियम हलमा अन्तराष्ट्रिय नेपाली समाज र नेफेसो कुवेतबीच एकता भएको घोषणा गर्दै ‘नेपाली समाज कुवेत नामाकरण गरिएको हो ।

अन्तराष्ट्रिय नेपाली समाज कुवेतका अध्यक्ष निर्मल स्याङतान र नेफेसो कुवेतका अध्यक्ष प्रकाश चाम्लिङको सभापतित्वमा सम्पन्न भएको उक्त घोषणा कार्यक्रममा अन्तराष्ट्रिय नेपाली समाज कुवेतका संरक्षण नारायण पोखरेलको प्रमुख आतिथ्यता र कुवेतमा रहेको विभिन्न नेपाली संघ संस्थाका प्रतिनिधि, बुद्धिजीवी, समाजसेवीलगायतको उपस्थिति रहेको थियो ।

नेपाली समाज कुवेतका उपाध्यक्ष तथा कार्यक्रम संयोजक जयनारायण माझी र खाकुरा किरातले संयुक्त रुपमा कार्यक्रम सञ्चालक गरेका थिए भने अन्तराष्ट्रिय नेपाली समाज कुवेतका सचिब कोमल अधिकारीले स्वागत मन्तब्य राखेका थिए ।

समाजसेवी सुजन केसी, पत्रकार महासंघ कुवेतका उपाध्यक्ष नवराज पन्थी, आदिवासी जनजाति महासंघ कुवेतका अध्यक्ष अमृत तामाङ, जिफन्ट सपोर्ट ग्रुपका अध्यक्ष गणेश रावत, किरात राई यायोक्खाका अध्यक्ष मन्जीत चाम्लिङ राई, सुदूरपश्चिम सेवासमाज कुवेतका अध्यक्ष अमर खड़्का, सिर्जनशील युवा समाज कुवेतका अध्यक्ष पुष्कर धामी, युवराज गैरेलगायतले शुभकामना मन्तव्य राखेका थिए ।
एकता घोषणा पछि निर्मल स्याङतानलाई नेपाली समाज कुवेतको अध्यक्षमा चयन गरिएको बताईएको छ ।