Sansar News
धनीको मात्र कहाँ हो र, गरिबको’ नि मान हुन्छ
महलमा मात्र कहाँ हो र, झुपुडीमा’ नि इन्सान हुन्छ
खान मिठो पिज्जा बर्गर, सैन्डवीच र होट–डोग तर
खोले, सिस्नु, मक्कै ढिंडो, ग्रुन्द्रुकमा’नि जान हुन्छ
जीउनलाई यस संसारमा गाँस–बास र कपास काफी
अरुको धन खोसेर खाने, यस्ताहरु बेईमान हुन्छ
आकांक्षाको अँध्यारोमा, अल्झिएको छ यो जीवन
उभो जाउँ त जान नसक्ने, तल झरे अपमान हुन्छ
धन–धान्यको तराजूले, बाडिएका छन् मानिस आज
नफरतले त मानव मार्छन्, ‘प्रेम’ नै त्राण हुन्छ ।
राजफाप्री, सिलिगुडि पश्चिम वंगाल
वि.सं.२०७६ असार २१ शनिवार ०७:५७ मा प्रकाशित
