back

अध्यापन अनुमति फाराम भर्दा सामान्यतया सोधिने प्रश्नहरु

वि.सं.२०७६ असार २३ सोमवार

276 

shares
NTC AD
Global IME AD

२३ असार, काठमाडौँ । शिक्षक सेवा आयोगले २०७६\३\२ गते शिक्षक लाईसेन्सको विज्ञापन गरेसँगै शिक्षक लाईसेन्स लिन योग्यता पुगेका उम्मेद्वारहरुमा विज्ञापनका विषयमा र अनलाईनबाट फाराम भर्दा विभिन्न जिज्ञासा र प्रश्नहरु आउने गरेको पाइन्छ ।
फाराम भर्ने तरिका, जाँच दिनुपर्ने कि नपर्ने सम्बन्धमा, फाराम कसरी भर्ने, फाराम भर्दा नेपाली फन्टका सम्बन्धमा र तालिम लिनुपर्ने\ नलिनुपर्ने सम्बन्धमा जिज्ञासा रहेको हो ।
विज्ञापनका विषयमा प्राथमिक तह , निम्न माध्यामिक तह र माध्यामिक तहका लागि कति योग्यता हुनुपर्ने भन्ने बारेमा पनि प्रश्नहरु रहेका छन् । माध्यामिक तहका लागि ३ (तीन) किशिमका विज्ञापन भएको कारण पनि माध्यामिक तहका लागि आबश्यक योग्यतामा उम्मेद्वारहरु अलमलिएका हुन् ।

त्यस्तै लिखित परीक्षाको पूर्णाङ्क र उत्तीर्णाङ्क, लिखित परीक्षा सञ्चालन हुने मिति र केन्द्रहरू, र फाराम भर्ने म्यादका बारेमा पनि जिज्ञासा राखेको पाइन्छ । अब लाग्छौँ यी जिज्ञासाहरु मेटाउनेतर्फ –

प्राथमिक तहको वि.नं. ३२\०७६ को लागि –  मान्यता प्राप्त शिक्षण संस्थाबाट कम्तीमा प्रवीणता प्रमाणपत्र तह वा सो सरहको परीक्षा उत्तीर्ण गरी शिक्षा विषयमा कम्तीमा १० महिना अवधिको तालिम वा ४०० पूर्णाङ्कको शिक्षा विषय लिई माध्यमिक शिक्षा परीक्षा उत्तीर्ण गरेको, छ भने यस तहमा आवेदन दिन सक्नेछन् ।

निम्न माध्यमिक तहको वि.नं. ३३\०७६ को लागिः  मान्यता प्राप्त शिक्षण संस्थाबाट कम्तीमा २०० पूर्णाङ्क सहित परीक्षा दिन चाहेको कुनै एक विषय (नेपाली, अंग्रेजी, गणित, विज्ञान र सामाजिक) मा प्रवीणता प्रमाणपत्र तह वा सो सरहको परीक्षा उत्तीर्ण गरी शिक्षा विषयमा कम्तीमा १० महिना अवधिको तालिम लिएकाहरुले यसमा आवेदन दिन सक्नेछन् ।

माध्यमिक तहको वि.नं. ३४\०७६ को लागि –  मान्यता प्राप्त शिक्षण संस्थाबाट कम्तीमा ३०० पूर्णाङ्क सहित परीक्षा दिन चाहेको कुनै एक विषय (नेपाली, सामाजिक, विज्ञान, कम्प्युटर विज्ञान, कम्प्युटर इन्जिनियरिङ, इलेक्ट्रिकल इन्जिनियरिङ, सिभिल इन्जिनियरिङ, गणित, अंग्रेजी, कार्यालय संचालन तथा लेखा, कानुन, वाली विज्ञान र पशु विज्ञान) मा कम्तीमा स्नातक तह वा सो सरहको परीक्षा उत्तीर्ण गरी शिक्षा विषयमा कम्तीमा १० महिना अवधिको तालिम लिएकाहरुले माध्यामिक तहको वि.नं. ३४\०७६ को लागि शिक्षक लाईसेन्सका लागि दरखास्त दिन पाउँछन् ।

माध्यमिक तहको वि.नं. ३५\०७६ को लागि – मान्यता प्राप्त शिक्षण संस्थाबाट कम्तीमा ३०० पूर्णाङ्क सहित आयोगबाट स्वीकृत भएका पाठ्यक्रमहरुमध्ये कुनै एक विषय (नेपाली, सामाजिक, विज्ञान, कम्प्युटर विज्ञान, कम्प्युटर इन्जिनियरिङ, इलेक्ट्रिकल इन्जिनियरिङ, सिभिल इन्जिनियरिङ, गणित, अंग्रेजी, कार्यालय संचालन तथा लेखा, कानुन, वाली विज्ञान र पशु विज्ञान) मा स्नातकोत्तर तह वा सो सरहको परीक्षा उत्तीर्ण गरी साविक उच्च माध्यमिक तहमा कार्यरत शिक्षकको हैसियतले अस्थायी अध्यापन अनुमतिपत्र लिइसकेका शिक्षकहरूका लागि मात्र, यो विज्ञापनमा दरखास्त दिन पाउँछन् ।

माध्यमिक तहको वि.नं. ३६\०७६ को लागि –  मान्यता प्राप्त शिक्षण संस्थाबाट विज्ञान, कम्प्युटर विज्ञान, कम्प्युटर इन्जिनियरिङ, इलेक्ट्रिकल इन्जिनियरिङ, सिभिल इन्जिनियरिङ, गणित, अंग्रेजी, कार्यालय संचालन तथा लेखा, कानुन, कृषि (बाली) विज्ञान र पशु विज्ञानमध्ये कुनै एक विषयमा कम्तीमा ३०० पूर्णाङ्क सहित स्नातक तह वा सो सरहको परीक्षा उत्तीर्ण गरेको,छ भने यस विज्ञापनमा दरखास्त दिन सक्नेछन् ।

लिखित परीक्षाको पूर्णाङ्क र उत्तीर्णाङ्क ,  लिखित परीक्षाको पूर्णाङ्क १०० र उत्तीर्णाङ्क ५० हुनेछ ।
लिखित परीक्षाको पहिलो र दोस्रो पत्रको परीक्षा एकै दिन लगातार लिइनेछ । लिखित परीक्षा संचालन हुने मिति र केन्द्रहरू पछि तोकिने छ । सोको जानकारी आयोगको वेवसाइटमार्फत गराइनेछ ।

भने फाराम भर्ने अन्तिम म्याद २०७६\ ३\ २२ गते तोकिएकोमा उम्मेद्वारहरुको बढ्दो चापलाई ध्यानमा राखी सो म्यादलाई ७ दिन थप गरी २०७६\३\ २९ गते सम्मका लागि आवेदन दिन सक्नेछन् भने दोब्बर दस्तुर तिरी २०७६\४\ ५ गतेसम्म दरखास्त फाराम भर्न सक्ने आयोेगले जनाएको छ ।

वि.सं.२०७६ असार २३ सोमवार १४:०५ मा प्रकाशित

NLIC AD
NABIL bank AD
परीक्षामा सहभागी एक सय ७८ विद्यार्थीमध्ये पाँच जना उत्तीर्ण

परीक्षामा सहभागी एक सय ७८ विद्यार्थीमध्ये पाँच जना उत्तीर्ण

फुङ्लिङ (ताप्लेजुङ) । ताप्लेजुङको मेवाखोला गाउँपालिकाले लिएको कक्षा ८ को...

शिक्षालयका विद्यार्थीको मूख्य उत्पादन च्याउ र मह

शिक्षालयका विद्यार्थीको मूख्य उत्पादन च्याउ र मह

गलेश्वर (म्याग्दी) । म्याग्दीको मालिका गाउँपालिका-७ बिमस्थित किसानी कृषि प्राविधिक...

विद्यार्थीलाई आवश्यक सामान विद्यालयबाटै किन्न बाध्य बनाए कारबाही गर्ने महानगरको चेतावनी

विद्यार्थीलाई आवश्यक सामान विद्यालयबाटै किन्न बाध्य बनाए कारबाही गर्ने महानगरको चेतावनी

काठमाडौँ । काठमाडौँ महानगरपालिकाले आफ्नो मतहतका विद्यालयलाई शैक्षिक वर्ष २०८१...

चौँरीदेउरालीका २५ विद्यालय बन्द

चौँरीदेउरालीका २५ विद्यालय बन्द

काभ्रेपलाञ्चोक । काभ्रेपलाञ्चोकको चौँरीदेउराली गाउँपालिकामा रहेका ५९ सामुदायिक विद्यालयमध्ये हाल...

सामुदायिक विद्यालयबाट एसइईमा सहभागी हुने छात्रको सङ्ख्या बढी

सामुदायिक विद्यालयबाट एसइईमा सहभागी हुने छात्रको सङ्ख्या बढी

महोत्तरी । माध्यमिक शिक्षा परीक्षा (एसइई)मा महोत्तरीका सामुदायिक विद्यालयबाट यस...

एसइईमा सामेल हुने विद्यार्थीको सङ्ख्या बर्सेनि घट्दै

एसइईमा सामेल हुने विद्यार्थीको सङ्ख्या बर्सेनि घट्दै

  गलकोट (बागलुङ) । बागलुङमा माध्यामिक शिक्षा परीक्षा (एसइई)मा सामेल...