१२ जुलाई, डिसी । अमेरिकाको भर्जिनिया राज्यको सेन्टरभिलमा बस्दै आएका समाजसेवी अरुण रुपाखेती र परिवारले डिसी मेट्रो सप्ताहमा पचपन्न हजार पाँच सय पचपन्न डलर र पचपन्न सेन्ट दान गरेका छन् ।
गत जुन २२ देखि जुन २९ सम्म सम्पन्न डिसी मेट्रो सप्ताह २०१९ का संयोजक समेत रहेका रुपाखेतीले पचपन्न हजार पाँच सय पचपन्न डलर र पचपन्न सेन्ट दान गर्दै उक्त सप्ताहमा सर्वा्धिक ठूलो दान गर्ने दानवीर भएका छन् । उनले उक्त रकमको घोषणा संगै संस्थापक संरक्षक बनेका छन् । ४० हजार डलरको सदस्यता बने पछि मात्र संस्थापक संरक्षक भईन्छ । रुपाखेती अनेसास डिसी शाखा र अन्य संघ÷संस्थासंँग आबद्ध छन् ।
झन्डै दुई दशक देखि डिसी मेट्रो महानगर क्षेत्रमा बस्दै अन्य सामाजिक संस्थामा आबद्ध रुपाखेती डिसी नेपाली समाजका संस्थापक अध्यक्ष पनि हुन् । उनले बिदेशी माटोमा परम्परा ,संस्कृतिको सम्बर्द्धन र जगेर्ना गर्न डिसी नेपाली समाजको स्थापना गरेका छन् । उक्त मुनाफा रहित संस्था मार्फत झन्डै १० बर्ष देखि हजारौ नेपाली समुदायहरुलाई निशुल्क जनै पुर्णिमामा क्वाटी,जनै र दशैमा जमरा वितरण गर्दै आई रहेका छन् ।
डिसी महानगर क्षेत्रमा सामुदायिक केन्द्र बनाउनु पर्छ भन्दै पुराण मार्फत यो सम्भव छ भन्ने मध्ये कै एक परिकल्पनाकार रुपाखेती हुन् । यसको लागि उनि र आफ्ना परिवार अहोरात्र खटिई सबैको अथक प्रयास र मेहनतको कारण अमेरिकामा भएका सप्ताह मध्ये सर्वा्धिक ठूलो रकम २० लाख ३४ हजार डलर संकलन भएको थियो । जुन अमेरिकाको नेपाली समुदायको ईतिहासमा यति ठुलो सहभागिता र ज्यादा रकम नगद मात्र १० लाख डलर उठ्न सफल भएको थियो ।
डिसी मेट्रो सप्ताहको लागि नेपाल बाट वाचन प्रविण पण्डित दिनबन्धु पोखरेल आएका थिए भने रुपाखेती कै घरमा पण्डित पोखरेल सप्ताह सम्म बसेका थिए । रुपाखेती दम्पत्ति ,२ छोराहरु ,बुबा आमा र छोरी समेतको कूल मिलाएर रुपाखेती परिवारले पचपन्न हजार पाँच सय पचपन्न डलर र पचपन्न सेन्ट दान गरेका हुन् । उक्त दान डिसी मेट्रो सप्ताहको अन्तिम दिन जुन २९ मा आफ्ना परिवारको साथ सबैको अगाडी दान दिने घोषणा गरेका थिए ।
उनले आफू चिकित्सक ,अभियन्ता र ठूलो पदमा काम गर्ने नभई घण्टा हान्ने काम गरेता पनि मन भएर दान गरेको बताएका थिए । उनले घोषणा गर्ने बित्तिकै उनलाई काँधमा हालेर पुराण स्थलमा घुमाईएको थियो ।
