हामी सबैकाे संसारन्यूज

२९ असार काठमाडौँ । वातावरण विभागले अत्याधिक प्रदूषण गर्ने ३४ अस्पताल र उद्योगलाई कारबाहीको सिफारिस गरेको छ ।
विभागले १८ निजी अस्पताल, आठ खाद्य उद्योग तथा उत्पादन कम्पनी ,एक क्रसर उद्योग र एक एक प्लाइउड कम्पनीलाई कारबाहीका लागि वन तथा वातावरण मन्त्रालयसमक्ष सिफारिस गरेको हो ।
वातावरण संरक्षण नियमावली ०५४ अनुसार मापदण्ड पूरा नगरेपछि विभिन्न जिल्लामा रहेका अस्पताल र उद्योगमाथि कारबाही प्रक्रिया अगाडि बढाइएको विभागले जनाएको छ । विभागका अनुसार ती संस्थाले गत वर्षको असारदेखी अहिलेसम्म एक वर्षको अवधिमा मापदण्डभन्दा धेरै प्रदूषण र फोहोर गरेका छन् । विभागले १७ अस्पताल तथा उद्योगलाई सचेत पत्र पठाएको छ भने ५१ निकायलाई बयानका लागि बोलाएको जनाएको छ ।
विभागले तोकेको मापदण्ड पूरा नगर्ने र वातावरणीय प्रभाव मूल्याङ्कन (आइई) पूरा नगरेका अस्पताल र उद्योगलाई ५० हजार रुपैँयासम्म जरिवाना गरेको वातावरण विभागका सूचना अधिकारी शंकर पोडेलले बताए । आइतबारको नयाँ पत्रिका पोस्टबाट