हामी सबैकाे संसारन्यूज

३० असार, काठमाण्डौ । प्रहरीले काठमाडौँको मित्रनगर नयाँ बसपार्कबाट पेस्तोलसहित ३ जनालाई पक्राउ गरेको छ ।

महानगरीय प्रहरी कार्यालय, रानीपोखरीबाट खटिएको प्रहरी टोलीले आइतबार काठमाण्डौ महानगरपालिका-२६ मित्रनगर नयाँ बसपार्कमा रहेको नेपाली तारा होटलबाट पेस्तोल सहित ३ जनालाई पक्राउ गरिएको हो ।

पक्राउ पर्नेमा नुवाकोट लिखु गाउँपालिका-४ चौघडाका २९ बर्षिय प्रितम राई, ३७ बर्षिय राम कुमार राई र भारत दार्जिलिङ घर भई काठमाण्डौ टोखा बस्ने ३६ बर्षिय सविन खवास छन् । उनिहरूको साथबाट (Barat Made in Italy) लेखिएको अटोमेटीक पेस्तोल थान १ (एक) र पेस्तोल लाग्ने गोली ५ राउण्ड र २२० सि.सि.को बा. ६७ प. २६६६ र बा. ९९ प. १३०३ नम्बरको दुई थान मोटरसाईकल समेत बरामद गरेको छ ।

घटना सम्बन्धमा आवश्यक अनुसन्धान गरिरहेको प्रहरी कार्यालय काठमाडौँले बताएको छ ।