हामी सबैकाे संसारन्यूज

३ साउन, काठमाडौँ । मुलुकमै पहिलोपटक पाइपलाइनबाट पेट्रोलियम पदार्थ भित्रिएको छ । भारतीय लगानीमा बनेको मोतिहारी –अमलेखगञ्ज क्रसबोर्डर पाइपलाइनमार्फत बिहीबारदेखि पेट्रोलियम पदार्थ नेपाल भित्रिन थालेको हो । भारतीय आयल निगम (आईओसी) ले बुधबार दिउँसो २ बजे मोतिहारी डिपोबाट पठाएको डिजेल बिहीबार दिउसो ३ बजेपछि नेपालतर्फको पाइपलाइनमा प्रवेश गरेको हो ।
प्रक्रियागत रुपमा केही काम पूरा हुन बाँकी रहे पनि बिहीबार नै अमलेखगञ्जमा तेल आइपुगेको मोतिहारी–रक्सोल अमलेखगञ्ज पाइपलाइन परियोजनाका विज्ञ ई. शरद पौडेलले जानकारी दिए । उनले भने,“ बुधबारदिउँसो मोतिहारीबाट निगमको अमलेखगञ्ज डिपोमा आएको छ र यससँगै पाइपलाइन सुचारु भएको छ ।” डिजल पठाउनुअघि आईओसीले दुई दिनदेखि पानी पठाएर पाइपको फोहोर सफा गरेको थियो । उक्त परीक्षणमा कतै पनि चुहावट नभएको पाइएपछि डिजेल पठाएर पाइपलाइन सञ्चालनमा ल्याइएको परियोजनाले जनाएको छ । शुक्रबारको कारोबार दैनिकबाट