Logo
२ कार्तिक २०७८, मंगलवार
     Tue Oct 19 2021
E-paper
  English Edition
   Unicode
Logo

सम्पदाको पुनःनिर्माण चाँडो अघि बढाउ : उपराष्ट्रपति पुन



nandapun1

 ४ मङ्सिर,ललितपुर । उपराष्ट्रपति नन्दबहादुर पुनले भूकम्पबाट क्षतिग्रस्त सम्पदाको पुनःनिर्माण चाँडो अघि बढाउन सरकार र सरोकारवालाको ध्यानाकर्षण गर्नुभएको छ ।

बौद्धविहार सङ्घको ४१औँ वार्षिक साधारणसभाको उपलक्ष्यमा आज यहाँ सङ्घले आयोजना गरेको कार्यक्रममा बोल्दै उहाँले भूकम्प गएको डेढ वर्ष भइसकेकाले पुनःनिर्माणमा ढिलाइ गर्न नहुने बताउनुभएको छ ।

संविधानले प्रत्याभूत गरेको धर्म निरपेक्षता यो दशकको उपलब्धि भएको उहाँले बताउनुभयो । “नयाँ संविधानले आफ्नो धर्म संस्कृतिको संवद्र्धन गर्ने अधिकार सबै नागरिकलाई दिएको छ,” उहाँले भन्नुभयो, “सबै नागरिकले एकअर्काको धर्म/संस्कृतिको पहिचान स्वीकार र सम्मान गर्न खाँचो छ ।”

बौद्ध विहार नेपालको मात्रै नभएर विश्वको नै सम्पदा भएको उहाँले औँल्याउनुभयो । उहाँले भन्नुभयो, “गौतमबुद्ध नेपालमा नै जन्मनु र यस्ता विहार नेपालमा हुनु हामी सबैको गर्वको विषय हो ।” गौतमबुद्धले प्रतिपादित गरेको सिद्धान्त अवलम्बन गर्दा नेपालीले स्थायी शान्ति खोज्न अरु ठाउँमा जानु नपर्ने उहाँले बताउनुभयो ।

बौद्ध विहार सङ्घका अध्यक्ष पुष्परत्न शाक्यले विहारको संरक्षण र संवद्र्धनमा सरकारले ध्यान दिनुपर्नेमा जोड दिनुभयो । “सुरक्षाको अभावमा कतिपय वस्तु हराएका छन्,” उहाँले भन्नुभयो, “हराइसकेपछि त्यसलाई म्युजियममा राख्ने मात्रै नभई त्यसलाई संरक्षण र संवद्र्धनमा सरकारले चासो दिनुपर्छ ।” रासस


यो खबर पढेर तपाईलाई कस्तो महसुस भयो ?

काठमाडौं । प्रमुख प्रतिपक्षी दल नेकपा (एमाले)को अनुरोध पछि प्रतिनिधि सभाको बैठक २ दिनका

काठमाडौँ । पछिल्ला दिनमा झण्डै २०० केन्द्रीय सदस्य थप्दा पनि केहि पर्नै पर्ने ब्यक्तिहरु

काठमाडौं । सत्तारुढ नेपाली कांग्रेस गुटगत राजनीतिले निकै आक्रांत छ । सरकार वा पार्टीगत

काठमाडौँ । नेकपा(एकीकृत समाजवादी) पार्टीले केन्द्रीय ज्येष्ठ कम्युनिष्ट मञ्च बनाएको छ । लामो समयदेखि

काठमाडौँ । नेकपा(एकिकृत समाजवादी) पार्टीले केन्द्रीय सल्लाहकार परिषद् गठन गरेको छ । सो पार्टीको