हामी सबैकाे संसारन्यूज

६ मंसिर, काठमाडौँ । व्यवस्थापिका–संसद्को आइतबारको बैठकले ‘सङ्घीय संसद्का पदाधिकारी तथा सदस्यको पारिश्रमिक र सुविधासम्बन्धी विधेयक, २०७३’ पारित गरेसँगै उहाँहरूको तलब भत्ता बढेको छ ।

अबदेखि सांसदले मासिक रु ५५ हजार २३० पारिश्रमिक, रु एक हजार विशेष भत्ता, सदनको बैठक भएका दिन बैठक भत्ता रु एक हजार, यातायात खर्च रु एक हजार, सञ्चार सुविधा बापत रु तीन हजार र घरभाडा रु १८ हजार प्राप्त गर्नेछन् ।

सांसदलाई एकपटकका लागि फर्निचर खरिदका लागि रु १५ हजार एकमुष्ट उपलब्ध हुनेछ भने एक कोस पैदल भ्रमण गर्दा रु २५ का दरले पैदल भ्रमणभत्तासमेत प्राप्त हुनेछ ।

आइतबार पारित विधेयकले सभामुख, उपसभामुख, प्रमुख विपक्षी दलका नेता तथा प्रमुख सचेतक एवम् सचेतकको पारिश्रमिक एवम् अन्य सुविधा पनि वृद्धि गरेको छ ।