हामी सबैकाे संसारन्यूज

६ मंसिर, राजविराज । सप्तरीको मलेठ गाविस–५ मा आइतबार आगलागी हँुदा रु २४ लाख मूल्यबराबरको क्षति भएको छ ।

स्थानीय मुलकी यादवको गाई गोठमा लामखुट्टे धपाउनका लागि बालिएको आगोबाट आचानक आगलागी हुँदा निजको भान्सा कोठा र गाई गोठ पूर्णरुपमा जलेर नष्ट भएको प्रहरीले जनाएको छ ।

त्यस्तै सोही आगोले निजको छोरा रामजी यादवको एकतले पक्की घर र छिमेकी विष्णुदेवी यादवको एकतले घर पनि पूर्णरुपमा जलेर नष्ट भएको जिल्ला प्रहरी कार्यालय सप्तरीले जनाएको छ ।

प्रहरीका अनुसार आगलागीबाट अन्नपात, भाँडावर्तन, लत्ताकपडा र नगद जिन्सी गरी करिब रु २४ लाख मूल्यबराबरको क्षति भएको छ । आगोलाई स्थानीयवासी र जिप्रकाबाट गएको प्रहरी टोलीले नियन्त्रण गरेको थियो ।

यस्तै नेपालबाट अवैध रुपमा भारत लगिरहेका ४० केजी गहँु सप्तरी प्रहरीले छिन्नमस्ता गाविस–२ बाट आज बरामद गरेको छ ।

साल्ट ट्रेनिङ कर्पोरेसनबाट नेपालका लागि वितरण भएको गहँुको बीउ बरामद गरिएको प्रहरी उपरीक्षक भीमप्रसाद ढकालले बताउनुभयो । रासस