हामी सबैकाे संसारन्यूज

१४ साउन । ब्राजिलियन फुटबल खेलाडी नेमारमाथि लागेको बलात्कारको केस बन्द गरिएको छ । प्रमाणको अभावमा उक्त केस बन्द गरिएको अनुसन्धान गरिरहेका पुलिसले भनेको अन्तर्राष्ट्रिय सञ्चारमाध्यम एएफपीले समाचार छापेको छ ।

साओ पाउलो अटर्नी जनरलको कार्यालयका अनुसार केसको प्रमाणको अभावले स्थगित गरिएको छ तर अन्तिम निर्णयका लागि अभियोजकहरुलाई पठाइने छ । ब्राजिलियन मोडेल नाजिला त्रिनाडेले मे महिनामा फ्रान्सको पेरिसको एउटा होटेलमा नेमारले बलत्कार गरेको भन्दै ब्राजिलियन पुुलिसमा मुद्धा दर्ता गराएकी थिइन् ।

नेमारले ती आरोपहरू अस्वीकार गर्दै आएका थिए । उनले ती महिलासँग भएका लामा कुराकानी र थुप्रै तस्विरहरु समेत सार्वजनिक गरेका थिए । यो घटना पहिलो पटक जून महिनामा प्रकाशमा आएको थियो, जब पेरिस सेन्ट जर्मेन स्टारले इन्स्टाग्राममा सात मिनेटको भिडियो जारी गर्दै ती महिलामाथि बलात्कारको आरोप लगाएको थियो । उनले व्हाट्सएपमा महिलाले दाबी गरेका कुराहरु प्रकाशित गरे ।

यो केसले ब्राजिलका अखबारको हेडलाइटहरूमा प्रभुत्व जमाएको थियो । न्यायाधीशले अन्तिम फैसला सुनाउन १५ दिन बाँकी छ । अघि अभियोजन पक्षहरूसँग छलफल गरिएपछि अन्तिम फैसला सुनाइने बताइएको छ ।