हामी सबैकाे संसारन्यूज

भारतीय चर्चित अभिनेत्री अनुष्का शर्माले सेलिब्रेटीलाई आफ्नै तरिकाले बाँच्न दिनुपर्ने बताएकी छन् ।

सेलिब्रेटीको पनि आफ्नै जीवन हुने हुनाले उनीहरुको नीजि जीवनमा त्यति चासो नराख्न पनि अनुरोध गरेकी छन् ।

भारतीय क्रिकेट खेलाडी विराट कोहलीसँग २०१७ मा विवाह गरेकी अभिनेत्री अनुष्काले फिल्ममा काम गरेकी छैनन् । तर, यहि बिचमा उनलाई गर्भवती भएको भनेर हल्ला आएपछि उनले यस्तो निरास हुँदै आक्रोश पोखेकी हुन् ।

उनले भनेकी छन् ‘प्रिगेनेन्ट भएको या नभएको बारेमा कसैलाई सफाइ दिन जरुरी छैन ।’
‘ अभिनेत्रीहरुको बिहे भएपछि मानिसहरु सोध्न थाल्छन्, के उनी गर्भवती छन् ?, यदि अभिनेत्रीहरुले कसैसँग डेट गरेका छन् भने, के उनीहरु विहे गर्नेवाला छन् ? यो साह्रै नराम्रो हो ।’ एक संचारमाध्यमसँग कुरा गर्दै अनुष्काले भनेकी छन्,‘ सेलिब्रेटीलाई आफ्नै हिसावले अगाडि बढ्न दिनुपर्छ यस्तो मामलामा कसैलाई चासो दिएर दौडन जरुरी छैन ।’

अभिनेत्रीहरुले विवाह गर्नासाथ समाजमा उनीहरुका बारेमा विभिन्न कुराहरु चल्न थाल्छन् । यदि कसैले ठूलो साइजको कपडा लगायो भने उ गर्भवती हो भनेर कुरा गर्न थाल्छन् । अनुष्का भन्छिन् ।