हामी सबैकाे संसारन्यूज

१५ साउन, काठमाण्डौं । २१ वर्षीय जीवन तामाङ मंगलबार प्रेमिकासँगै झुण्डिएको अवस्थामा फेला परे ।
सिन्धुपाल्चोक ब्राहबिसेका जीवन र रामेछापकी मंगली घिसीङले मंगलबार मध्यपुर थिमी नगरपालिका ८ बोडेस्थित डेरामै झुण्डिएर आत्महत्या गरेका हुन् ।

सवारी चालक रहेका जीवनले श्रीमती ऋतु तामाङ (नाम परिवर्तन) लाई एक हजार रुपैयाँ हातमा थमाइदिएर केही बेरमा आउँछु भनेर हिँडेको केहि समयपछि प्रेमिका मंगली घिसीङसँगै झुण्डिएको अवस्थामा मृत भेटिएका थिए ।

जीवनकी श्रीमती ऋतु तामाङले आफू र छोरीलाई छोडेर बाहिर बस्दै आएको, घर आउन छाडेको र कोठा लिएर प्रेमिकालाई राखेको थाहा पाएको भन्दै जीवनविरुद्ध प्रहरीमा उजुरी दिएकी थिइन् ।
‘मेरो श्रीमान अर्को केटीसँग लागेर मलाई वेवास्ता गर्दै आएकाले निजलाई झिकाई आवस्यक कारबाही गरिपाउँ’ ऋतुले दिएको उजुरीमा भनिएको आजको नयाँपत्रिका दैनिकमा समाचार छ ।

घरमा श्रीमती हुँदा हुँदै अन्य युवतीसँग प्रेम सम्बन्ध्मा रहेको खुलासा भएपछि उनीहरुले आत्महत्या गरेको अनुसन्धानबाट खुलेको छ ।