हामी सबैकाे संसारन्यूज

भारतको राजधानी नयाँ दिल्लीमा नयाँ शक्ति विद्यार्थी युनियन नेपालको भातृ संगठन “अन्तर्राष्ट्रिय विद्यार्थी संघ भारत” गठन गरिएको छ । भारतमा अध्ययन गरिरहेका नेपाली विद्यार्थीहरुको भेलाले लक्ष्मीनगरमा यहि मिति नोभेम्बर १९ को दिन दिल्लीमा अध्ययनरत विद्यार्थी बादल बस्नेत र राजु भट्टराईको सक्रियतामा उक्त संघ गठन गरेको हो ।

सो अवसरमा नयाँ शक्ति नेपालका अन्तरिम परिसद सदस्य एवं भारत प्रवासका संयोजक मोहन राउतको विशेष उपस्थिति रहेको थियो । भेलाले बादल बस्नेतको संयोजकत्वमा ११ सदस्यीय केन्द्रिय सम्पर्क समिति निर्माण गरेको छ। जसमा सदस्यहरु दिल्लीबाट राजु भट्टराई, कविन्द्र जोशी, सम्राट थापा ब्याङलोरबाट बिदुर लामिछाने र नवराज बस्याल, मुम्बई महाराष्ट्रबाट सुमित्रा सुनार, गोवाबाट अमोद क्षत्री र पन्जाबबाट महेन्द्र खड्का रहेका छन् भने बाँकि रिक्त पद पछि पूर्ति गरिने बताइएको छ ।
उक्त बैठकले निकट भबिस्यमा भारतमा हुनगइरहेको अन्तरास्ट्रिय नेपाली समाज भारतको राष्ट्रियभेलालाई भब्य रुपमा सफल पार्ने निर्णय भएको संयोजक बाद्ल बस्नेतले जानकारी दिए ।