हामी सबैकाे संसारन्यूज

७, मंसिर । जापानको उत्तरी इलाकामा जापानी समय अनुसार आज बिहान ६ बजे ६दशमलम ९ रेक्टरको भूकम्प गएको छ । भूकम्पबाट मानविय क्षति नगरे पनि सुनामी आउन सक्ने भन्दै त्यहाँका स्थानीय बासीलाई सचेत रहन आग्रह गरिएको छ । फुकुशीको तटलाई केन्द्र विन्दु बनाएर आएको र उक्त भूकम्प १० किमीको इपिसेन्टर १० किमी गहिरो रहेको बताइएको छ । उक्त भूकम्पपछि जापानी मौसम एजेन्सीले नर्थ पेसिफिक कोस्टल एरियामा सुनामी आउन सक्ने चेतावनी जारी गरेको छ । भूकम्पको झट्काको महसुस टोकियो सम्म गरिएको थियो ।

यूएस जिओलाजिकल सर्बे(युएजीएस)का अनुसार सुरुमा ७ दशमलब ३ रेक्टरको भूकम्प झट्का मशसुस गरिएपछि पछि ६ दशमलब ९ रेक्टर रहेको थियो । भूकम्पका कारण कतिपय तटीय इलाकामा करिब १० फिट सम्म छाल उठेको थियो, जसका कारण त्यहाँको मौसम एजेन्सीले सुनामी आउने चेतावनी जारी गरेको हो । यसअघि पनि सन् २०११ मा शक्तिशाली भूकम्प आएको थियो ।