हामी सबैकाे संसारन्यूज

धन कमाउने लोभले गर्दा, परदेश आएँ बाबा ।
पैसाको रुख नभेटेपछि, धेरै दुःख पाएँ बाबा ।।

बाह्र घण्टै काम गर्छु, साहु खुसी हुन्न कहिले ।
जहाँ गयो कर्म संगै, ठक्कर मात्र खाएँ बाबा ।।

खोज्छु भन्दा राम्रो जागीर, बितिरहे दिनहरू ।
कहिले यता कहिले उता, जताततै धाएँ बाबा ।।

खान लाउन ठिक्क हुने, पठाउने छैन् कमाइ ।
सोंचे जस्तै नभएर, अँध्यारो मुख लाएँ बाबा ।।

फर्की आउने मन थियो, बाटो खर्च छैन् अझै ।
बाँच्न पनि आफैलाई, बहर जस्तो दाएँ बाबा ।।

विदेशमा भए पनि, झल्को आउँछ नेपालको ।
गाउँ–घरको सम्झनाले, म त त्यतै छाएँ बाबा ।।

जिउँदो छु अहिलेसम्म, नयाँ खबर छैन केहि ।
पीडा मात्र मनभित्र, पीडाकै गीत गाएँ बाबा ।।

बुटवल –११, रुपन्देही