हामी सबैकाे संसारन्यूज

नेपालमा शान्ति पनि छ । कानुन पनि छ । तपाइ हामी भन्दा राम्रा र ठूला घरमा, शहर बजारमा हास्दै, ठट्टा गर्दै बाँचिरहेका धेरै नेपाली छन नेपालमा ।

सायद तपाइहरू नेपाल नगएको धेरै बर्षहरू भयो होला त्यसैले सामाजिक संन्जालका नकरात्मक कुरा मात्रै हेरेर पढेर नेपालमा शान्ति छैन । कानुनिराज छैन । केहि बिकास भएको छैन भन्दै हुनुहुन्छ । यो गलत सोच हो । हरेक देशमा गाउँबाट शहर र विदेश जाने चलन विश्वभर छ । राजाका पालामा पनि पढ्न र जागिर खान शहर पसेकाहरू राजधानीमा घर बनाएर बसे कै हुन् । आज झन बढि छन् । राजाका पालामा पनि मन्त्री, सासंद, ठूला कर्मचारी, व्यापारी राजधानीमा घर र व्यवसाय गरेर बसेकै थिए आज झन बढेका छन् । आज जताततै गाउ शहरमा रूपान्तर हुदैछ ।
जहा सम्म विदेश जाने काम र चलनको कुरा छ, पंचायतमा कम थियो बहुदल आएपछि र आज गणतन्त्र आए पनि झन बढि रहेको छ । यो अवसर पनि हो । लै–लै, फेसन, आवस्यकता र बाध्यता पनि हो । यो जुन सुकै शासन, शासक आए पनि भैरहने कुरा हुन् । किनकि नेपालको एक बर्षको कमाइ अमेरिका, युरोप, जापान, कोरिया, अष्ट्रेलिया तिर एक महिनाको कमाइ हो । बचत नहोला तर कमाइ त हो नी ।

नेपालमा दिनहुँ मासुभात खान धनी हुनुपर्छ या त भोज यात पाहुना यात भ्रमण यात चाडपर्व पर्नुपर्छ भन्ने भन्ने गरिन्छ । तर, विदेशमा छाकै पिच्छे मासु हुन्छ । जहासम्म अरब र मलेसियाको कुरा छ आम्दानी र सुविधा कम छ तर पनि नेपालमा काम गरे बच्दैन विदेशमा थोरै भए पनि बच्छ यसका पनि अनेक कारण छन् । तपाइ हामी नेपालमा करोडौ जाने जमिन र हजारौ आउने जागिर छोडेर किन विदेशमा समाज र आराम नभनि बसि रहेकाछौ ? यो नेपालको पहाड, हिमाल र मधेशका गाउँबाट शहर र सदरमुकाम बसे झरे जस्तै हो । यो रोकिन्न । यसलाइ नै दुखको मानक नमानौ ।

भष्ट्रचार र ब्रह्मलुट हरेक समाज, सरकार र राष्ट्रमा छन् । यसको सबैले बिरोध गरिनु पर्छ तर बलत्कार र आत्महत्या जस्ता बिषयमा भष्ट्रचार जोडेर सरकार र शासन प्रणाली वा सत्ता पल्टाउने नायक र बाटो बनाउने खेल कसैले खेल्नु हुन्न । त्यस्ता जालमा कोही पर्नु हुन्न ।