हामी सबैकाे संसारन्यूज

२८ अगस्त, बेलिजयम । गैरआवासिय नेपाली संघ (एनआरएनए) को युरोप संयोजकमा गंगाधर गौतमले उम्मेद्वारी दिने भएका छन् । एनआरएनए वेल्जियमका पूर्वअध्यक्ष समेत रहेका गोैतमले आगामी अक्टोबरमा हुने एनआरएनएको नवौ सम्मेलनको लागि उम्मेदवारी दिने घोषणा गरेका हुन् ।

जनसम्पर्क समिति बेल्जियमको सभापति समेत भैसकेका गौतमले २००६ मा एनआरएनए बेल्जियमको उपाध्यक्ष हुदै पछि अध्यक्ष भएर सस्थामा सक्रिय भुमिका निर्वाह गरेका गरिसकेका छन् । यो नवौ सम्मेलनका लागि युरोप संयोजकमा उम्मेदवारी दिने निर्णय गरेको उनले बताएका छन् ।

सन् २००० मा बाग्लुङबाट बेल्जियम पुगेका गौतम नेपालमा रहदा नेपाली कांग्रेसमा आबद्ध रहेर पार्टी राजनीतिमा समेत सक्रिय रहेका थिए । नेपाल विधार्थी संघ बाग्लुङको दुई कार्यकाल अध्यक्ष, बाग्लुङ महेन्द्र बहुमुखी क्याम्पसको दुई कार्यकाल सभापति, र स्ववियु फोरमको केन्द्रिय सदस्य समेत रहेका थिए ।