back

राजनीतिसँगै पशुपालनमा युवा नेता

वि.सं.२०७६ भदौ १२ बिहीवार

330 

shares
RBB AD
NTC AD

१२ भदौ, दमौली । तनहुँको बन्दीपुर गाउँपालिका–५ याम्पाफाँटका काशीनाथ भट्टराई राजनीतिसँगै गाईपालनमा सक्रिय छन् । उननले राजनीतिलाई समाजसेवा र गाईपालनलाई जीवनयापनको माध्यम बनाएका छन् ।
राजनीतिलाई उत्पादनसँग जोड्नुपर्छ भन्ने उद्देश्यका साथ गाईपालन र राजनीतिलाई सँगसँगै अगाडि बढाएको भट्टराईले बताए । “समाजसेवा गर्नका लागि राजनीतिमा होमिएँ, समाजसेवाले मात्रै घरखर्च चलाउन सकिन्न, त्यसैले जीवनयापनका लागि गाईपालन गरिरहेको छु” भट्टराईले भने ।

नेपाल कम्युनिष्ट पार्टी बन्दीपुर गाउँपालिका–५ को वडा कमिटी सचिव रह्ेका उनको गाईफार्ममा अहिले २९ गाई छन् । ती गाईबाट दैनिक दुई सय लिटर दूध उत्पादन भइरहेको र दूध बिक्रीबाट दैनिक ११ हजार आम्दानी हुने गरेको छ । सबै खर्च कटाएर मासिक रु एक लाख ३२ हजार आम्दानी हुने गरेको छ ।
नेकपाको वडा तहको संरचना एकीकरण हुनुअघि भट्टराई तत्कालीन नेकपा एमालेको वडा कमिटीको अध्यक्ष थिए । अहिले पार्टी एकतापछि सो वडा पूर्वमाओवादी केन्द्रको भागमा परेको कारण उनले वडा सचिवको जिम्मेवारी पाएका छन । विद्यार्थीकालदेखि अनेरास्ववियुमा आबद्ध भएका भट्टराई विद्यार्थीकालमै गाईपालनमा लागेकका थिए । “क्याम्पसको अध्ययनदेखि नै गाईपालन शुरु गरेको थिएँ,” उनले भने, “विदेश जान मन लागेन, गाईपालनमै रमाउन थालेँ ।”

भट्टराईलाई गाईपालनमा श्रीमती कल्पनाले साथ दिएकि छन् । श्रीमान् पार्टीको
काममा जाँदा गाईको स्याहारसुसार आफूले गर्ने गरेको कल्पनाले बताए । पार्टीको कामसँगै गाउँमा हुने अन्य सामाजिक काममा पनि भट्टराई नियमित पुग्नुहुन्छ । आफू सरहका युवाहरू देशमा काम पाइएन भन्दै वैदेशिक रोजगारीमा होमिएका बेला इच्छाशक्ति भए स्वदेशमै केही गर्न सकिन्छ भन्ने सन्देश भट्टराईले दिएका छनन ।

कृषि विकास बैंकमार्फत इजरायलमा पुगेर एक महीनासम्म त्यहाँको व्यावसायिक कृषि र पशुपालनको अवलोकन गर्ने मौका पाएका उनले त्यसपछि गाईपालनमा थप व्यावसायिक ज्ञान हासिल भएको बताए । इजरायलबाट फर्केपछि घरमै दूध डेरीे स्थापना गरेका उनले डेरीलाई भने निरन्तरता दिन सकेनन । “गाईपालन र डेरी सञ्चालन दुवै काम एकसाथ गर्न नसकिने रहेछ भन्ने सोचेर पछिल्लो समय डेरी बन्द गरेको छु,” भटृराईले थपे ।
पार्टीका उच्च तहका नेताहरूले गाईफार्म अवलोकन गर्दै हौसला प्रदान गर्नाका साथै कृषि मन्त्रालयका सचिव, विभागीय प्रमुख र अन्य विज्ञहरूले समेत बेला–बेलामा उनको फार्म अवलोकन गर्ने गरेका छन् । (रासस)

वि.सं.२०७६ भदौ १२ बिहीवार ०९:५७ मा प्रकाशित

NLIC AD
NABIL bank AD
कालिका मन्दिर : जेठ महिनामा सबैभन्दा कम भेटी सङ्कलन

कालिका मन्दिर : जेठ महिनामा सबैभन्दा कम भेटी सङ्कलन

गलकोट (बागलुङ) । नेपालको प्रसिद्ध धार्मिक शक्तिपीठ बागलुङ कालिका भगवती...

पालिकाले घोषणा गर्यो ‘एक घर एक युवक स्वरोजगार’ कार्यक्रम

पालिकाले घोषणा गर्यो ‘एक घर एक युवक स्वरोजगार’ कार्यक्रम

पर्वत । मुलुकभित्र रोजगारीका अवसर नपाउँदा युवावर्ग विदेशिने क्रम बढ्दै...

मासिक ८२ हजारको जागिर छाडेर घाँसखेतीबाट मनग्य आम्दानी गर्दै गुल्मीका गोपाल

मासिक ८२ हजारको जागिर छाडेर घाँसखेतीबाट मनग्य आम्दानी गर्दै गुल्मीका गोपाल

तम्घास (गुल्मी) । गुल्मीको मदाने गाउँपालिका-३ सिर्सेनीका गोपाल खत्री क्षेत्रीको...

पहिरोले सडक अवरुद्ध हुँदा यात्रु अलपत्र

पहिरोले सडक अवरुद्ध हुँदा यात्रु अलपत्र

लमजुङ । गए रातिदेखिको निरन्तर वर्षाले डुम्रे-बेँसीसहर सडकखण्ड अवरुद्ध भएको...

पूर्वाधार विकास कार्यालयनै बजेट खर्चिन असमर्थ

पूर्वाधार विकास कार्यालयनै बजेट खर्चिन असमर्थ

बलेवा (बागलुङ) । पूर्वाधार विकास कार्यालय बागलुङको चालु वर्षको विकास...

कालोपत्रे गर्ने जिम्मा पाएको निर्माण कम्पनी भागेपछि सडक योजना अलपत्र

कालोपत्रे गर्ने जिम्मा पाएको निर्माण कम्पनी भागेपछि सडक योजना अलपत्र

गलेश्वर (म्याग्दी) । जिल्लाकै ‘लाइफलाइन’ बेनी–दरबाङ सडकको तेस्रो खण्ड (करिब...