१९ भदौ, काठमाडौँ । सिटिजन्स बैंक इन्टरनेशनलले बाँकेको कोहलपुरमा शाखा विस्तार गरेको छ ।
बैंकले देशका विभिन्न भागमा शाखा विस्तार गर्ने क्रममा कोहलपुरमा ८२ औं शाखा सञ्चालनमा ल्याएको हो ।
बुधबार भएको औपचारिक कार्यक्रममा बैंकका सञ्चालक समितिका सदस्य प्रकाशचन्द्र मैनालीले उद्घाटन गरे ।सोही कार्यक्रममा बैंकले सामाजिक उत्तरदायित्व कार्यक्रम अन्तर्गत श्री ज्योति माध्यामिक विद्यालय कोहलपुरलाई ५० हजार रूपैयाँको सहयोग गरेको छ ।
उक्त कार्यक्रममा आउदो दिनहरुमा बैंकले संस्थागत सामाजिक उतरदायित्व कार्यक्रम अन्तर्गत सामाजिक, आर्थिक, सांस्कृतिक, शैक्षिक आदि क्षेत्रमा सकारात्मक परिवर्तन ल्याउनका निम्ति विभिन्न कार्यक्रम संचालन गर्ने कुरा बैंकका प्रमुख कार्यकारी अधिकृत गणेशराज पोखरेलले जानकारी दिए ।
२०६४ सालमा स्थापना गरि बैंकिङ सेवा दिँदै आएको बैंकले २०७५\७६ मा रु. ७४ अर्ब १३ करोड निक्षेप संकलन गरेको छ भने रु. ६५ अर्ब ७ करोड ऋण प्रवाह गरेका बताइएको छ ।
बैंकले हालसम्म ८२ वटा शाखा, ७८ वटा ए.टि.एम. र ९९ वटा शाखा रहित बैंकिङ्ग एकाईहरुबाट करिव चार लाखग्राहकवर्गलाई आधुनिक बैंकिङ्ग सेवाहरु प्रदानगर्दै आइरहेको पनि प्रेस विज्ञप्तीमा जनाइएको छ ।
यसैगरी ग्राहकहरुलाई विभिन्न किसिमका निक्षेप तथाकर्जा सुविधाहरु, घरैमा बसेर बैंक खाताखोल्न सकिने अनलाईन सुविधा, रेमिट्यान्स सेवा, आस्वा, ड्राफ्ट, कार्ड सेवा, साथै कुनै पनि शाखाबाट रकम झिक्न र राख्न सकिने जस्ता सुविधाहरु पनि उपलब्ध गराउँदै आएको बताइएको छ ।
वि.सं.२०७६ भदौ १९ बिहीवार ११:४३ मा प्रकाशित
