हामी सबैकाे संसारन्यूज

२२ भदौ, काठमाडौँ । गायिका अनिता सुब्बाको स्वर रहेको गीत ‘जिन्दगी’को अफिसियल भिडियो रिलिज भएको छ ।

भिडियोमा अभिनेत्री रीमा बिश्वकर्माले अभिनय गरेकी छिन् भने भिडियोलाई एलिन श्रेष्ठले निर्देशन गरेका हुन् । श्रेष्ठ चर्चित टिभी रियालिटी शो नेपाल आइडल अनि बुगी उगीका समेत निर्देशक हुन् ।

संगीतकार हरिश माथेमाको संगीत रहेको गीतको शब्द बिरेन्द्र सुवाल सिंहले लेखेका हुन् भने दिबेश मुल्मीले यो गीतको संगीत संयोजन गरेका छन् ।

शिवराम श्रेष्ठले छयांकन गरेको भिडियोमा माधव बेलबासेको सम्पादन रहेको छ । गीतको भिडियोले भोली जस्तो समय आएपनि आजको समयलाई सदुपयोग गरेर जिउनु पर्ने कुरा देखाउछ ।
गायिका अनिता सुब्बाले यसअघी पनि थुप्रै चर्चित गीतहरु गाइसकेकी छिन् ।