हामी सबैकाे संसारन्यूज

कसैलाई सेतो कसैलाई कालो भो संविधान ।
जनताले बुझ्नै नसक्ने जालो भो संविधान ।।

पाउन नसकिने भो न्याय, अन्यायमै परेपनि ।
वास्तवमै हिङ्ग बाँधेको, टालो भो संविधान ।।

विरोध गर्नै नहुने शिशु छ रे गणतन्त्र अझै ।
कहिल्यै परिपक्व नहुने आलो भो संविधान ।।

कहिले काले पुग्छ कहिले गोरे पुग्छ सत्तामा ।
उसकै छोरी बुहारी अनि सालो भो संविधान ।।

आफ्नै अस्पतालको भर छैन जानैपर्छ विदेश ।
डेंगुको लामखुट्टे लुक्ने नालो भो संविधान ।।

उम्किए ठूल्ठूला माछाहरू समातिए भुराहरू ।
भ्रष्टाचारै भ्रष्टाचारको मालो भो संविधान ।।

राजनीति गर्छन्, मरेको लास र गासमा पनि ।
हो जनताको मुटु घोंच्ने, भालो भो संविधान ।।

बुटवल– ११, रुपन्देही