Sansar News
अनुराग अरुण, लुभु , ललितपुर
तिमी याद आयौ भने के हुने हो
हियामा दुखायौ भने के हुने हो
सुराझैँ छ तिम्रो नजर मात लाग्ने
छुरा झन् मिसायौ भने के हुने हो
म तारा सगरको तिमी जून मेरी
अचानक हरायौ भने के हुने हो
नजाऊ भनी हात मैले समात्दा
नबोली लजायौ भने के हुने हो
तिमीलाई पीडा थियो भन्न मैले
कुरामै भुलायौ भने के हुने हो
बहर : मुतकारिब मुसम्मन सालिम
अर्कान- फऊलुन् , फऊलुन्, फऊलुन्, फऊलुन्
वजन : १२२ – १२२ – १२२ – १२२
काफिया : आयौ
रदिफ : के हुने हो
अभ्यास : परिश्रमी पाठशाला
वि.सं.२०८३ असार २० शनिवार ०९:१९ मा प्रकाशित
