हामी सबैकाे संसारन्यूज

७ असोज, काठमाडौँ । रिलायबल नेपाल लाइफ इन्स्योरेन्स लिमिटेडले ‘रिलायबल समुन्नति जीवन बीमा योजना’ सञ्चालनमा ल्याएको छ । इन्स्योरेन्सले आफ्नो स्थापनाको दोश्रो बर्ष पुरा गरि तेश्रो बर्ष प्रवेश गरेको उपलक्ष्यमा आवधिक धनफिर्ता योजना अन्तर्गत यो योजना सञ्चालनमा ल्याएको हो ।

उक्त योजना अन्तर्गत बीमितको ईच्छा अनुसार बार्षिक अथवा प्रत्येक चार बर्षमा बीमाङ्कको तोकिएको प्रतिशतले हुने अग्रिम भुक्तानी रकम प्राप्त हुनेछ । बीमा समाप्ति हुने मिति अगावै बीमितको मृत्यु भएमा अग्रिम बीमाङ्क भुक्तानी रकम कट्टान गरी पूरा बीमाङ्क र नियमानुसारको बोनस बराबर रकम भुक्तानी दिइने कम्पनीले जनाएको छ ।

बीमा अवधि समाप्ति मिति सम्म बीमित जीवित रहेमा बाँकी बीमाङ्क (यदि भएमा) र नियमानुसारको बोनस रकम बीमितलाई भुक्तानी दिइनेछ । साथै यस योजनामा बीमाशुल्क छुट सुबिधा, स्थायीपुर्ण अशक्तता सुबिधा, दुर्घटना मृत्युलाभ, घातक रोग सुबिधा तथा अस्पताल नगद सुबिधा लगायतका पाँच वटा ऐच्छिक सुबिधाहरु समेत थप गर्न सकिने बताइएको छ ।