Sansar News
९ असोज, काठमाडौँ । सन्राइज बैँकले आफ्नो १२ औँ वार्षिक उत्सवको अवसरमा संस्थागत सामाजिक उत्तर दायित्व अन्तर्गत देशका विभिन्न स्थानहरुमा स्वास्थ्य परिक्षण कार्यक्रमको आयोजना गर्ने बताएको छ ।
‘Healthy Nepal-हामी सँग सँगै’ भन्ने नाराको साथ बैंकको भैसेपाटी, बिराटनगर, भैरहवा, गुठीचौर र धनगडी शाखाहरुबाट स्वास्थ्य परिक्षण शिविर कार्यक्रम गर्दै आश्विन ९ मा राजबिराज र आश्विन ११ मा बेशिसहर शाखामा स्वास्थ्य परिक्षण शिविर कार्यक्रम आयोजना गर्ने बैंकले जनाएको छ ।
उक्त बैंकले आश्विन महिनालाई १२ औँ वार्षिक उत्सवपूर्ण महिनाको रुपमा मनाउन विभिन्न १२ विधामा देशभर कार्यक्रमहरु गर्दै जाने बताएको छ ।
वि.सं.२०७६ असोज ९ बिहीवार १०:४४ मा प्रकाशित
