हामी सबैकाे संसारन्यूज

 तमु समाज बेल्जियमको  आयोजनामा ३० डिसेम्बरका दिन बेल्जियममा  २६०१ औ तमु ल्होछार मनाइने भएको छ ।
३० डिसेम्बरमा सम्पन्न हुन गैरहेको  उक्त २६०१ औ तमु ल्होछार भुतपुर्व अध्क्ष्य बालेन्द्र तमुको संयोजकत्व तथा चोकराज गुरुङको सहसंयोजकत्वमा ६१ सदस्य रहने गरि  तयारी समिति गठन गरिएको छ ।
हालै बेल्जियमको लुभेनमा बसेको तमु समाज बेल्जियमको बैठकले एक  उक्त तयारी समिति गठन गरेको हो ।
तमुहरुको महान चाड एबम नेपालीहरुका राष्ट्रिय पर्व ल्होछार बादर वर्गलाई बिदाइ गर्दै चरा वर्गको स्वागत स्वरुप यसपटक पनि बेल्जियम स्थित सम्पुर्ण तमुहरुद्वारा भव्यरुपमा बेल्जियमको  आन्त्रोपेन शहरमा आगामी डिसेम्बर ३० शुक्रवारका दिन सम्पन्न  गरिने बताइएको छ ।
यस ल्होछार पर्वलाई भव्यताका साथ सफल बनाउनका लागि विभिन्न उप समितिहरुको समेत गठन गरिएको छ ।  साथै बेल्जियम स्थित सम्पूर्ण संघ सस्थाका अध्यक्ष तथा प्रतिनिधि एवम तमु तथा गैर तमु नेपाली दाजुभाई तथा दिदीबहिनीहरुमा समेत उक्त कार्यक्रममा उपस्थित भइ राष्ट्रिय पर्व तमु ल्होछारलाइ सफल बनाइ दिन समेत तमु समाजले  अनुरोध गरेको छ ।