हामी सबैकाे संसारन्यूज

१ कार्तिक, काठमाण्डौं । पेट्रोलियम पाइपलाइनबाट डिजेल ल्याँउदा एक महिनामा ढुवानि भाडावापत १० करोड रुपैयां बचत भएको छ । मोतिहारी—अमलेखगञ्ज अन्तरदेशीय पेट्रोलियम पाइपलाइनबाट पछिल्लो एक महिनाको अवधिमा झन्डै ५ करोड लिटर डिजेल आयात भएको छ । सो परिमाणमा डिजेल आयात गर्दा १० करोड रुपौयाँ बचत भएको नेपाल आयल निगम अमलेखगन्ज कार्यलयले जानकारी दिएको छ ।
गत भदौ २४ देखि सञ्चालनमा आएको पाइपलाइनबाट एक महिनाको अवधिमा ४ करोड ६० लाख ७७ हजार लिटर डिजेल आयात भएको अमलेखगञ्न कार्यलयले जानकारी दिएको छ । प्रतिघन्टा १ सय ७९ लिटरका दरले पाइपलाइनबाट डिजेल आयात भएको अमलेखगन्ज कार्यलयका प्रमुख प्रदिपकुमार यादवले दिएका छन् ।
शुत्रबारको कारोबार दैनिकबाट