हामी सबैकाे संसारन्यूज

३ कार्तिक, महोत्तरी । महोत्तरीको बर्दिबास नगरपालिका—१२का वडाध्यक्ष रामकिशोर साहले सेवाग्राहीलाई कुटेका छन् । न्याय माग्न वडा कार्यलय गएका बिजुलपुराका सुनिलकुमार महत्तोलाई उनले कुटेर घाइते बनाएको आरोपमा उजुरी परेको छ । प्रहरीले बडाध्यक्षविरुद्ध उजुरी दर्ता गर्न नमानेपछि पीडितले हुलाकमार्फत उजुरी पठाएका थिए ।
दुई साताअघि पीडित महतोले चोरलाई कारवाही गर्न वडा कार्यलयमा निवेदन दिएका थिए । गत मंगलबार वडा कार्यलयले सुनिलाई यस छलफल गर्न बोलाएको थियो । छलफलमा विवाद भएपछि वडाध्यक्ष र उनका भाई राजकुमारले महत्तोलाई कुटपिट गरेका थिए । घटना स्थलबारे फोन गरेर प्रहरीसँग गुहार मागेका सुनिलका बुवा लक्ष्मेश्वर महत्तोलाई पनि उनीहरुले कुटपिट गरेको पीडितको भनाइ छ । आइतबारको अन्नपुर्ण दैनिकबाट