हामी सबैकाे संसारन्यूज

३ कार्तिक , रौतहट । प्रहरी हिरासतमा रहेका कांग्रेश नेता तथा पूर्वमन्त्री आफताब आलम छुटेको खण्डमा आफूहरु असुरक्षित हुने पीडित परिवारले बताएका छन् ।

राजपुर बमकाण्डमा पक्राउ परेका आलम अदालतबाट जमानतमा छुटे भने आफू असुरक्षित हुने जाहेरवाला पीडित परिवार बताउँछन् ।बमकाण्डमा कान्छो छोरो त्रिलोकप्रताप सिंह गुमाएका यमुनामाई गाउँपालिका –४ का ७९ वर्षीय पिता श्रीनारायण सिंह डरत्रासमा बस्नुपरेको बताएका छन् ।

पहिलो संविधानसभा निर्वाचन अघिल्लो दिन २७ चैत २०६४ राती राजपुर नगरपालीका – ४ साबिक राजपुर गाविस ४ स्थित आलमका काका शेख इद्रिसको गोठमा बम विष्फोट हुँदा यमुनामाई गाउँपालिका ४ का त्रिलोकप्रसाद सिंह(पिन्टु) र ओसी अख्तरलाई चिम्टी भट्टामा घाइते अवस्थामा जिउँदै जलाइएको आरोपमा सांसद आलमलाई गत २६ गते असोजमा पक्राउ गरिएको थियो । राजधानी दैनिकबाट