Sansar News
३ कात्तिक, काठमाण्डौं । अध्यागमन सम्बन्धी संवेदनशील तथ्यांकहरु पाँचवर्षदेखि एक निजी कम्पनीको कब्जामा रहेको छ । सन् २०१४ देखि अध्यागमनका सबै यात्रुको विवरण फोकसवान नामक आइटी कम्पनीले नियन्त्रणमा राखेको आइतबारको नयाँपत्रिका दैनिकमा समाचार छ ।
सो डाटा दुरुपयोगसमेत भएको अध्यागमनका कर्मचारीको आशंका रहेको छ ।
सो कम्पनीले २०१४ मा अध्यागमनको सफ्टवेयर बनाउने जिम्मेवारी पाएको थियो । तत्कालिन महानिर्देशक शरदचन्द्र पौडेलेको कार्यकालमा सो सफ्टवेयर निर्माणका लागि कोटेशनका आधारमा सम्झौता गरिएको थियो ।
उक्त डाटा फिर्ता गर्नका लागि गृहसचिव प्रेम कुमार राईले चेतावनी दिएका छन् ।
दीपक काफ्ले विभागको महानिर्देशक हुँदा फोकसवान कम्पनीबाट इमी सफ्टवेयरको नियन्त्रणमा रहेको डाटा ल्याउने निर्णय गरेका थिए ।
तर, कम्पनीले नमानेपछि विभाग पछि हटेको थियो । यसपटक पनि कम्पनीले अस्वीकार गरेपछि सञ्चालकलाई बोलाएर गृहसचिव प्रेम कुमार राईले मुद्दा चलाउने चेतावनी दिएपछि हच्किएका हुन् । अहिले कम्पनी सोर्सकोड दिन तयार भएको छ ।
वि.सं.२०७६ कात्तिक ३ आइतवार ०८:४० मा प्रकाशित
