Logo
९ आश्विन २०७९, आईतवार
     Sun Sep 25 2022
E-paper
  English Edition
   Unicode
Logo

मगरहरुको भावनालाई सम्बोधन गर्नुपर्नेमा जोड



१५ मङ्सिर,काठमाडौँ। नेपाल मगर सङ्घ केन्द्रीय समिति, संयुक्त मगर मञ्च–नेपालले प्रदेशको सिमाङ्कनको विवाद समाधानको नाममा सरकारले संविधान संशोधन गर्दा प्रदेश नम्बर ४ र प्रदेश नम्बर ५ मा रहेका ऐतिहासिक मगर भूमिलाई एक ठाउँमा राखेर स्वायत्त प्रदेश बनाउनुपर्ने माग गरेको छ ।

मङ्गलबार रिपोर्टर्स क्लब नेपालमा पत्रकार सम्मेलन गर्दै समितिका संयोजक नवीन रोकामगरले आफूहरुले उठाएका मागहरु सरकारले पूरा नगरे बाध्य भएर सशक्त आन्दोलनमा उत्रिने बताउँदै भन्नुभयो– ‘प्रदेश नम्बर ४ र ५ का आफ्नो ऐतिहासिक भूगोललाई एक ठाउँमा राखेर स्वायत्त मगरात प्रदेश बनाउनुपर्छ, । ’

संयोजक मगरले आफूहरुको यो साझा संशोधन प्रस्तावलाई अहिलेसम्म नेपाली राज्य निर्माणमा योगदान दिँदै आएका मगरहरुको भावनालाई सम्बोधन गर्नुपर्नेमा जोड दिनुभयो ।

राष्ट्रिय जनमुक्ति पार्टीका नेत्री कमला थापाले सो जातिको पहिचान, पहुँच र प्रतिनिधित्व सुनिश्चित गर्न नेपालको संविधान २०७३ मा संशोधन गरिनु अनिवार्य रहेको बताउनुभयो ।

सङ्घले व्यवस्थापिकामा जातीय जनसङ्ख्याको समानुपातिक प्रतिनिधित्वको आधारमा समावेशीकरण सुनिश्चित गरिनुपर्ने समेत माग गरेको छ । मगर सङ्घका अनुसार नेपालको कूल जनसङ्ख्याको ७.१२ प्रतिशत मगरहरुको जनसङ्ख्या रहेको बताइएको छ । रासस


यो खबर पढेर तपाईलाई कस्तो महसुस भयो ?

धनुषा । नेकपा (एमाले)का अध्यक्ष केपी शर्मा ओलीले आगामी प्रदेशसभा र प्रतिनिधिसभा निर्वाचनबाट एमाले

काठमाडौं । नेपाल कम्युनिस्ट पार्टी (माओवादी केन्द्र) निकट वैचारिक संगठन नेपाल बुद्धिजीवी संगठनले आसन्न

काठमाडाैं । आगामी ४ मंसिरमा हुने प्रतिनिधिसभा र प्रदेशसभा निर्वाचनका लागि गठबन्धनले गण्डकीका १५