Sansar News
१८ कात्तिक, काठमाण्डौं । तपाई लाई लाग्ला स्याउ हेर्न पनि टिकट काटुन् पर्छ र त्यो त खरिदका लागि पो हो त् । तर, पाठकबृन्द अब स्याउ हेर्नका लागि पनि टिकट काट्नु पर्ने भएको छ । त्यो पनि हाम्रै नेपालमा । हो, हाम्रै देशको गण्डकी प्रदेशको मनाङस्थित डिस्याङ गाउँपालिका १ भ्राताङस्थित एग्रो मनाङ प्रालिको स्याउ गार्डेनमा यस्तो नियम लागु भएको हो ।
उक्त गार्डेनमा स्याउ हेर्नका लागि आन्तरिक पर्यटकले २ सय र बाहिरी पर्यटकले ४ सय रुपैया तिरेर स्याउ गार्डेन हेर्न पाउँछन् । लम्जुङ बेसी शहरका रवि कायस्थले २ सय रुपैयाँको टिकट काटेर स्याउ बारी हेरेको बताएका छन् । उनले दुई सय रुपैयाँको टिकट काटेर उक्त गार्डेन भिजिट गर्दा रमाइलो लागेको बताएका छन् ।
दक्षिण एसियामै ठूलो दाबी गरिएको उक्त एग्रो कम्पनीले ७ सय ३५ रोपनी जग्गा मध्ये ४ सय ५० रोपनीमा स्याउबारी रहेको पनि सोमबार कान्तिपुर दैनिकमा लम्जुङबाट आस गुरुङले लेखेका छन् ।
उक्त फार्मका म्यानेजर पञ्च गुरुङका अनुसार दिनहुँ आन्तरिक ४० देखि ५० र १० देखि १५ जना सम्म विदेशी पर्यटकले उक्त स्याउ फार्म भिजिट गर्ने गरेका छन् ।
एग्रोका संस्थापक तथा सांसद पोल्देन छोपाङ गुरुङले इटाली र सर्भियामा दुई वर्ष हुर्किसकेको र यहाँ ल्याएप्छि रोपेको ६ महिनाबाट स्याउ उत्पादन भएको बताउँछन् ।
३० करोड लगानी गरेको बताइएको उक्त एग्रो फार्मममा गत वर्ष ३ सय ५० टन स्याउ उत्पादन गरिएको थियो भने यसवर्ष ४ सय ५० टन उत्पादन हुने प्रक्षेपण गरिएको एग्रोका अध्यक्ष समराज गुरुङ बताउँछन् ।
उक्त एग्रोमा स्याउ टिप्नका लागि दैनिक ४५ जना खटिएका छन् भने दैनिक औसत हजार किलोको दरले स्याउ टिप्ने काम भएको छ । उक्त स्याउ राम्रा दाना छनौट गरेर बजार लगिने गरिएको र साना दान जुस र चिप्सका लागि राखिने गरिएको छ । फाइल : फोटो
वि.सं.२०७६ कात्तिक १९ मंगलवार १३:२४ मा प्रकाशित
