हामी सबैकाे संसारन्यूज

“लैबरी लैबरी लई–पटुकीमा सिउरेको सुर्केथैली खोइ ?” हामी नेपालीका ओठ ओठमा चल्ने गीत हो यो । तर कर्केनजरले गीतको यो टुक्का कुन प्रसङ्गमा मिसाउन खोज्यो त्यो भने बेग्लै छ, पाठकबृन्द ।

प्रसङ्ग कहाँनेर छ भने, हाम्रा विदेश वा परराष्ट्र मामिला मन्तरी डाउटर प्रकाशसरण महतको विशिष्ठ भेटघाटको हो । यो भेटघाट सिंहदरबार ग्यालरीको पनि होइन र पशुपतिनाथको परिसर भित्रको पनि होइन । प्रधानमन्त्री पुष्पकमल दाहाल प्रचण्डको सवारी मन्तरीका रुपमा रहेका डाउटर महतले आफ्ना समकक्षी सुष्मा स्वराजलाई उपहार दिने क्रममा सुर्के थैलीको प्रसङ्ग निस्किएको चाहि पक्का हो । भलै अघिल्ला दिन दिल्लीबाट फर्केको जहाजले झण्डै बित्यास पारेको घटना र अत्तालिएको मनका बाबजुद् उनले आफ्ना समकक्षीलाई सुर्के थैली किन्न भ्याएकै मान्नुपर्छ पाठकबृन्द ।

तर दिने बेलामा पूर्वतयारीको कमिले हो की “खोइ ल्याउ त ?” भैहाल्यो । अनि दिएपछि थैली खोलिदिएको र पछि लाइदिएको दृश्य समेत पनि लुक्न सकेन । उता सीता म्याडमको शिष्टता समेत टिप्पणीमा परेको बेला बिचरा महतको सुर्के थैलीले पनि ठाउँ पाएकै मान्नुपर्छ होइन र पाठकबृन्द !