Logo
८ आश्विन २०७९, शनिबार
     Sat Sep 24 2022
E-paper
  English Edition
   Unicode
Logo

इलामका पर्यटकीयस्थलको वृत्तचित्र निर्माण



१७ मङ्सिर,इलाम। इलामका पर्यटकीयस्थलको प्रचारप्रसार गर्ने उद्देश्यले श्रव्य–दृश्यसहितको डकुमेन्ट्री (वृत्तचित्र) निर्माण गरिएको छ ।

मेची पहाडी क्षेत्र पर्यटन प्रवद्र्धन विकास समितिले जिल्लाका दुई दर्जनभन्दा बढी पर्यटकीयस्थलको श्रव्यदृश्यसहितको वृत्तचित्र निर्माण गरेको हो । जिल्लामा धेरै पर्यटकीय सम्भावना बोकेका स्थल भएपनि तिनको उचित प्रचारप्रसार नहुँदा ओझेलमा पर्नुका साथै पर्यटन विकास हुन नसकेको ठहर गर्दै समितिले वृत्तचित्रमार्फत प्रचारप्रसार थालेको समितिका कार्यकारी निर्देशक केशव द्यौरालीले बताउनुभयो ।

इलाम र झापाको सीमावर्ती क्षेत्र जोरकलशदेखि समुद्र सतहदेखि तीनहजार छसय ३६ मिटरको उचाइमा रहेको सन्दकपुरसम्मका पर्यटकीयस्थलको वृत्तचित्र बनाइएको समितिले जनाएको छ । सूर्याेदय र सूर्यास्तका लागि प्रख्यात अन्तुडाँडा, पाथीभरा, कन्याम, गुफापाताल, नयाँबजार, इलामको चिया बगान, सेतीदेवी, गजुरमुखी, सिंहवाहिनी, माइस्थान, लारूम्वा, सिद्धिथुम्का, सलकपुर, छिन्टापु, माईपोखरी, टोड्के झरनालगायतका थुप्रै पर्यटकीयस्थलको वृत्तचित्र गङ्गादीप फिल्म प्रालिले बनाएको हो ।

मेची पहाडी क्षेत्र पर्यटन प्रवद्र्धन विकास समितिले पर्यटकीयस्थलको वृत्तचित्र निर्माणका लागि प्रालिलाई रु तीनलाख खर्च लागेको द्यौरालीले बताउनुभयो । “पहिलोपटक इलामका पर्यटकीयस्थलको डकुमेन्ट्री बनाएका हौँ, आगामी दिनमा पाँचथर र ताप्लेजुङको समेत निर्माण गर्ने योजना छ”, निर्देशक द्यौरालीले भन्नुभयो । वृत्तचित्रले पर्यटकीयस्थलको प्रचारप्रसारमा टेवा पुग्नुका साथै पर्यटन व्यवसाय फस्टाउनेमा समिति विश्वस्त रहेको छ ।

वृत्तचित्रलाई नेपाल टेलिभिजनबाट समेत प्रसारण गर्ने र कोल्बुङमा रहेको पर्यटन सूचना केन्द्रमा राखेर इलाम भित्रने पर्यटकलाई पर्यटकीयस्थलका बारेमा जानकारी गराइने द्यौरालीको भनाइ छ । वृत्तचित्रमा विभिन्न जातजातिको वेशभूषा, संस्कृति र जातजातिको झाँकीसमेत समावेश गरिएको छ । रासस


यो खबर पढेर तपाईलाई कस्तो महसुस भयो ?

मोहन अधिकारी, सिलगढी, भारत पशु–पंक्षीहरुको साँस्कृतिक सम्मेलन थियो । सबैले निस्पक्ष निर्णयको लागि सोझो,

कपिल किशोर घिमिरे दाङ्ग, हाल कैलाली १. कलिको माया छलिको कुरा बचने छुरा ।

काठमाडौं । ग्लोबल आइएमई बैंकले २ वर्षमै २ गुणा हुने मुद्दती योजना ल्याएको छ