हामी सबैकाे संसारन्यूज

२७ कात्तिक, काठमाण्डौं । नेपाल कम्युनिष्ट पार्टी (नेकपा)का नेता भिम रावलले नउम्रिने गरिमा जातको बीउ सिफारिस गर्ने कर्मचारीलाई कारबाही गर्न माग गरेका छन् ।

यस्तो बीउ छरेर नउम्रिएपछि पीडित बनेका कैलाली लगायतका किसानलाई उचित क्षतिपूर्ति दिन समेत उनले सरकारसँग माग गरेका छन् ।

सामाजिक संजालमा ट्विट गर्दै रावलले भनेका छन्, ‘ श्रमिक जनताको हित गर्ने कम्युनिष्ट पार्टीको नीति अनुरूप नेपाल सरकारले पाइला चालोस् ।’

नउम्रिने गरिमा जातको धानको बिउँ सिफारिस गर्ने कर्मचारी र संलग्न ब्यापारीलाई कार्वाई गरियोस् ।यस्तो बिउँको कारण धान नफलेर पीडित भएका कैलाली लगायत जिल्लाका किसानहरूलाई उचित क्षतिपूर्ति दिइयोस् । श्रमिक जनताको हित गर्ने कम्युनिष्ट पार्टीको नीति अनुरूप नेपाल सरकारले पाइला चालोस् ।

— Bhim Rawal (@BhimRawal179) November 13, 2019