हामी सबैकाे संसारन्यूज

९ कात्तिक, काठमाण्डौं । प्रधानमन्त्रीका मुख्य सल्लाहकार विष्णु रिमालले प्रधानमन्त्रीले स्वस्थ्य मान्छेले भन्दा राम्रो काम गरेको बताएका छन् ।
उनले मिर्गौला प्रत्यारोपण गरेका व्यक्तिको आयु यति र उति भन्नु डेढ अचाक्ली प्रचार गरिएको भन्दै प्रधानमन्त्रीको स्वास्थ्यका बारेमा नेपाली मिडियामा अतिरञ्जित तरिकाले मनोरोग लागेको जस्तै समाचार आउने गरेकोमा आफ्नो असहमति रहेको समेत बताएका छन् । ‘सूचना पाउँदा पाउँदै पनि मेडियामा अड्कल बाजी धेरै भइरहेको छ ।’ उनले भनेका छन् ।

स्वदेशमै उपचार सम्भव रहेका बेला प्रधानमन्त्री उपचारका लागि विदेश किन जानुपर्यो भन्ने प्रसंगमा रिमालले भनेका छन्, ‘यो ठूलो कुरा होइन, प्रधानमन्त्री र सर्वसाधारण फरक कुरा हो । नेता र जनताको कुरा फरक हुन्छ । यो सत्य विर्सनु हुँदैन कि, नेता बनाउन धेरै समय लाग्छ राजनेतालाई जोगाउने जिम्मा देशको हो । जहाँ लगेर भएपनि जोगाउनु पर्छ । राष्ट्रको नेतालाई जोगाउने जिम्मा हाम्रो हो ।’

उनले आफू जिब्रो चपाएर नबोल्ने बताउँदै अहिले मन्त्रीबाट हटेकाहरु असक्षम भएर नभइ अरुलाई पालो दिएको समेत बताएका छन् । उनले यो गठबन्धनको सरकार नभएको हुनाले मन्त्री फेरबदल गर्दा अरुलाई सोध्नुनपर्ने समेत बताएका छन् । ‘मन्त्री फेरिए पनि सरकारको नीति, कार्यक्रममा परक पर्दैन, सरकार अविछिन्न हुन्छ,’ मुख्य सल्लाहकार रिमालले गोरखापत्रको दोहोरो संवादमा भनेका छन्, ‘गल्ती गर्ने कसैलाई नछाड्ने सरकारको नीति छ । को–को सँग जोडिएको छ, कुन पदमा छ भन्ने प्रधानमन्त्रीले हेर्नुहुन्न ।’