हामी सबैकाे संसारन्यूज

९ मङिुसर, काठमाडौँ । कृषि विकास बैंक शाखा कार्यालय स्वयम्भूका तत्कालीन शाखा अधिकृत केदारप्रसाद गौतम सहित ८ जना माथि मुद्दा दायर गरिएको छ ।

कृषि विकास बैंक शाखा कार्यालय स्वयम्भूका शाखा अधिकृत केदारप्रसाद गौतम समेतले २०७१ असोजदेखि २०७२ असार सम्मको अवधिमा गैरकानूनी तबरबाट ९३ लाख रकम निकाली बैंकलाई हानिनोक्सानी र्पुयाएको भन्ने उजुरीका आधारमा अख्तियार दुरुपयोग अनुसन्धान आयोगको टोलीले निजलाई नक्कली नाम तेज बहादुर थापा खडा गरी सोही नामबाट नागरिकता तथा राहदानी बनाई विभिन्न बैंकहरुबाट भुक्तानी लिने गरेकोले नियन्त्रणमा लिएको हो ।

अनुसन्धानको क्रममा निज गौतमले बैंकलाई हानिनोक्सानी र्पुयाउने कार्य गरेको र नेपाल सरकारलाई हानिनोक्सानी र्पुयाएको पुष्टि हुन आएको हुँदा गौतम र उक्त कार्यमा संलग्न अन्य ७ जनालाई भ्रष्टाचार निवारण ऐन बमोजिमको सजायको मागदावी लिई आज विशेष अदालत काठमाडौंमा आरोपपत्र दायर गरिएको अख्तियारले जनाएको छ ।