Logo
३ कार्तिक २०७८, बुधबार
     Wed Oct 20 2021
E-paper
  English Edition
   Unicode
Logo

पार्टीको भेलामा सन् २०१७ को निर्वाचनसम्बन्धी मर्केलको योजना प्रस्तुत हुने



१९ मङ्सिर, बर्लिन । अमेरिकामा डोनाल्ड ट्रम्पको विजय र फ्रान्समा फ्राँस्वा अलोँको निर्वाचनमा उम्मेदवार नुहुने निर्णयपछि जर्मनीमा चान्सलर एङ्गेला मर्केल सन् २०१७ को निर्वाचनमा विजय हासिल गर्ने रणनीति तयार गर्ने प्रक्रियामा रहनुभएको छ ।

मङ्गलबार उहाँको मध्यदक्षिणपन्थी क्रिस्चियन डेमोक्र्याटिक युनियन (सीडीयु) दुईदिने वार्षिक सम्मेलन हुनेभएको छ र त्यसमा उहाँले यस दलका सदस्यलाई आफूलाई चौँथो कार्यकालका लागि जर्मनीको नेताको रूपमा उभ्याउन सहयोग गरिदिन आग्रह गर्नुहुनेछ ।

चान्सलर मर्केलले सेप्टेम्बर महिनामा हुने निर्वाचन यसअघिका निर्वाचनभन्दा बढी कठिन हुने पहिले नै स्वीकार गरिसक्नुभएको छ ।

शरणार्थीप्रति उहाँको नरम नीतिका कारण करिब १० लाख शरणार्थी गत दुई वर्षभित्र जर्मनी प्रवेश गरेका छन् र उहाँका विरोधीहरूले यसैलाई पूँजीकृत गर्ने प्रयास गर्नेछन् ।

जर्मन युरोपको सबैभन्दा ठूलो अर्थतन्त्र हो ।

मर्केलले सीडीयुलाई १६ वर्षसम्म नेतृत्व प्रदान गर्नुभएको छ र उहाँले हेल्मुट कोललाई पदमुक्त गर्नुभएको थियो ।

हाल सीडीयुले सोसियल डेमोक्र्याट्सका साथै अन्य अनेकौँ साना दललाई सत्ता साझेदार बनाएको छ ।

सन् २०१४ मा उहाँले पार्टीभित्र ९६.७ प्रतिशत मत प्राप्त गर्नुभएको थियो भने सन् २०१२ मा ९७.९ प्रतिशत मत प्राप्त गर्नुभएको थियो ।

यस महासभामा उहाँका प्रतिस्थापकहरूको पनि नाम अगाडि आएका छन् तर तीनले व्यापक सार्वजनिक छबि बनाउन सकेका छैनन् ।

प्रायः जर्मन नागरिक अझै पनि मुटी (आमा) नाम प्राप्त गर्नुभएकी चान्सलर मर्केलसँग सजिलो अनुभव गर्छन् । हालै गरिएको एक सर्वेक्षणमा ६४ प्रतिशतले उहाँको नयाँ उम्मेदवारीलाई समर्थन गरे भने ३३ प्रतिशतले विरोध गरे ।

बर्लिनको फ्री युनिभर्सिटीका राजनीतिक विश्लेषक हाजो फन्कले मर्केलले पार्टी तथा मुलुकको स्थायित्वका लागि सही निर्णय गर्नुभएको बताउनुभयो । एएफपी


यो खबर पढेर तपाईलाई कस्तो महसुस भयो ?

वालिङ्, स्यांग्जा । पर्वतका जयनारायण तिवारी र स्याङ्जाका शोभाखर ढकाल नेकपा (माओवादी केन्द्र) को

काठमाडौं । बागमतीकी मुख्यमन्त्री अष्टलक्ष्मी शाक्यले विश्वासको मत पाउने स्थिति नबनेपछि नेकपा (एमाले)ले मतदानको

काठमाडौँ । नेपालमा भारतको वहार र उत्तर प्रदेश आसपास रहेका न्यून चापीय प्रणाली र

काठमाडौँ । नेकपा(एकीकृत समाजवादी) पार्टीले केन्द्रीय ज्येष्ठ कम्युनिष्ट मञ्च बनाएको छ । लामो समयदेखि

काठमाडौँ । नेकपा(एकिकृत समाजवादी) पार्टीले केन्द्रीय सल्लाहकार परिषद् गठन गरेको छ । सो पार्टीको