हामी सबैकाे संसारन्यूज

१७ मंसिर, काठमाण्डौं । कूल पूजाको लागि हिँडेको एकै परिवारका १४ जनाको दुर्घटनामा मृत्यु भएको समाचार प्राप्त भएको छ ।

गुल्मीबाट बाग्लुङको बुर्तिबाङतर्फ गइरहेको ग १ ज ५२११ नम्बरको जिप दुर्घटना हुँदा जिपमा सवार १४ जनाको मृत्यु भएको जिल्ला प्रहरी कार्यालय बाग्लुङले जनाएको छ । उक्त दुर्घटनामा ९ महिला, ४ पुरुष र एक बालकको मृत्यु भएको बताइएको छ ।

बडिगाड गाउँपालिका ७ भिमगिठे भन्ने ठाउँमा बिहान ९ :५५ तिर दुर्घटना भएको उक्त जिपमा कति सवार थिए, कति घाईते छन् भन्ने अझै पुष्टि नभएको पनि जिल्ला प्रहरी कार्यालय बाग्लुङले जनाएको छ ।

प्रहरी कार्यालयबाट ५ घण्टाको दूरीमा भएको उक्त दुर्घटनास्थलमा इलाका प्रहरी कार्यालय बुर्तिबाङ र भिमगिठे प्रहरी कार्यालयबाट उद्धारका कार्यका लागि प्रहरी पुगिसकेका छन् ।